- 2022-02-23 10:23:57
- កីឡាផ្សេងៗ
ឯកឧត្ដម ស សុខា៖ កីឡាករ កីឡាការិនីទាំងអស់ត្រូវប្រកាន់ភ្ជាប់នូវក្រមសីលធម៌ប្រឹងហ្វឹកហាត់
- 2022-02-23 10:23:57
- ចំនួនមតិ 0 | ចំនួនចែករំលែក 0
ឯកឧត្ដម ស សុខា៖ កីឡាករ កីឡាការិនីទាំងអស់ត្រូវប្រកាន់ភ្ជាប់នូវក្រមសីលធម៌ប្រឹងហ្វឹកហាត់
ចន្លោះមិនឃើញ
ឯកឧត្ដម ស សុខា បានក្រើនរំលឹកដល់ដល់ក្រុមកីឡាករ កីឡាការិនីដែលបានបិទខ្ទប់ហ្វឹកហាត់សូមប្រកាន់ភ្ជាប់នូវក្រមសីលធម៌ ប្រឹងប្រែងហ្វឹកហាត់ត្រឹមត្រូវដើម្បីបង្កើនគុណភាពត្រៀមចូលរួមព្រឹត្តិការណ៍ស៊ីហ្គេម នៅវៀតណាម ២០២២។
រដ្ឋលេខាធិការក្រសួងអប់រំ យុវជន និងកីឡាខាងលើនេះបានលើកឡើងថា កីឡាករ កីឡាការិនីទាំងអស់ត្រូវប្រកាន់ភ្ជាប់នូវវិន័យ ក្រមសីលធម៌ គោរពពេលវេលាហ្វឹកហាត់ឲ្យបានច្បាស់លាស់ និងត្រូវតាមដានជាប្រចាំដើម្បីបង្កើនគុណភាពបច្ចេកទេសឲ្យកាន់តែរឹងមាំត្រៀមស៊ីហ្គេម ២០២២។
ឯកឧត្ដម អ៊ុក សិទ្ធិជាតិ អគ្គនាយកកីឡាបានឲ្យដឹងថា សិក្ខាសាលារយៈពេល៣ថ្ងៃពេញនេះពិតជាមានសារៈសំខាន់ណាស់ ដើម្បីត្រៀមលក្ខណៈឲ្យបានល្អប្រសើរ ក្នុងការចូលរួមប្រកួតកីឡាស៊ីហ្គេម ឆ្នាំ២០២២ នៅប្រទេសវៀតណាម។ ដោយកាលណាម្នាក់ៗត្រៀមលក្ខណៈល្អប្រសើរ នោះនឹងទទួលបានលទ្ធផលល្អដូចគ្នាផងដែរ។
រំលឹកដែរថា វគ្គសិក្ខាសាលាស្តីពីការរៀបចំផែនការចូលរួមប្រកួតកីឡា ស៊ីហ្គេម រយៈពេល៣ថ្ងៃនេះមានគ្រូបង្វឹកជម្រើសជាតិចូលរួម ១៦៦ នាក់ ក្នុងនោះចំនួន៥៤ នាក់សិក្សាផ្ទាល់ និងគ្រូបង្វឹក គ្រូជំនួយ ១១២ នាក់សិក្សាតាម ZOOM លើ ៣៨ ប្រភេទកីឡា និង ១ ក្រុមកីឡាជនពិការ៕ អត្ថបទកែសម្រួលពីអគ្គនាយដ្ឋានកីឡា
