តើគ្រាប់បាល់ សុវណ្ណមករា និង ស៊ីដាន មួយណាអាចជាប់ជាគ្រាប់ល្អប្រចាំព្រឹត្តិការណ៍?

2022-02-18 02:25:08
បាល់ទាត់

2022-02-18 02:25:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះក្រុមជម្រើសជាតិកម្ពុជាក្រោមអាយុ២៣ឆ្នាំបានយកឈ្នះទៅលើក្រុមជម្រើសជាតិក្រោមអាយុ២៣ឆ្នាំហ្វីលីពីន ១-០ នៅនាទីទី៨១ ដោយការស៊ុតបាល់យ៉ាងស្អាតពីសំណាក់កីឡាករ ស៊ិន សុវណ្ណមករា ពីតំបន់ដំបូលទូក។ តើការមួយគ្រាប់ស៊ុតយ៉ាងស្អាតនេះអាចក្លាយជាគ្រាប់បាល់ល្អបំផុតប្រចាំព្រឹត្តិការណ៍ AFF U23 Championship 2022 នេះដែរឬទេ?

នេះជាការស៊ុតរបស់ ស៊ីន សុវណ្ណមករា

យ៉ាងណាការស៊ុតមួយគ្រាប់យ៉ាងស្អាតនេះប្រិយមិត្តបានឃើញហើយថា ជាគ្រាប់បាល់ជួយឲ្យកម្ពុជាបាន៣ពិន្ទុដ៏សំខាន់ដើម្បីបន្តកាន់កាប់កំពូលតារាងនៃពូល A ជាបណ្ដោះអាសន្ន។ បើគិតត្រឹមពេលនេះគ្រាប់បាល់ដែលស្អាតនោះគឺមានចំនួន៣រូបក្នុងនោះគឺមានកីឡាកររបស់សិង្ហបុរី Ilhan bin Fandi Ahmad ដែលបានតែតបាល់ពីចម្ងាយបញ្ចូលទីយុវជនថៃ១គ្រាប់នៅនាទីទី១៦។ ប្រកួតនោះត្រូវបានគេចាំថា យុវជនថៃយកឈ្នះយុវជនសិង្ហបុរី ៣-១។

ហើយគ្រាប់បាល់ដ៏អស្ចារ្យពីរគ្រាប់របស់យុវជនកម្ពុជាគឺមានចំនួន២រូបក្នុងនោះគឺ ញាណ សុស៊ីដាន ដែលបានស៊ុតពីតំបន់ក្រៅប្រអប់យ៉ាងស្អាតទៅលើក្រុមយុវជនប្រ៊ុយណេនៅនាទីទី២១ ។ ការប្រកួតនោះកម្ពុជាបានយកឈ្នះប្រ៊ុយណេ៦-០។ ចំណែកគ្រាប់បាល់ដ៏អស្ចារ្យកាលពីយប់មិញគឺកើតឡើងនៅចុងម៉ោងទៅហើយ ពោលគឺជាគ្រាប់បាល់ដែលជួយកម្ពុជាយកបាន៣ពិន្ទុពីការស៊ុតយ៉ាងស្អាតរបស់ ស៊ិន សុវណ្ណមករា ។

ក្រុមយុវជនកម្ពុជាក្រោមអាយុ២៣ឆ្នាំបច្ចុប្បន្នមាន៦ពិន្ទុស្ថិតនៅកំពូលតារាងហើយក្រុមដែលកំពុងឡើងជើងមួយនេះត្រូវការត្រឹមស្មើទីម័រខាងកើតនាប្រកួតចុងក្រោយថ្ងៃទី២០ ខែកុម្ភៈ ឆ្នាំ២០២២ វេលាមោង៧យប់ ដើម្បីយកចំណាត់ថ្នាក់លេខក្នុងពូលឡើងទៅកាន់វគ្គពាក់កណ្ដាលផ្ដាច់ព្រ័ត្រ៕

គ្រាប់បាល់របស់ ស៊ីដាន នៅនាទីទី២១