- 2021-02-02 02:37:59
- បាល់ទាត់
មនុស្សគ្រាក់ៗ ៣នាក់នៅ Barca ជាប់សង្ស័យជាអ្នកបញ្ចេញរឿងសម្ងាត់ Messi
- 2021-02-02 02:37:59
- ចំនួនមតិ 0 | ចំនួនចែករំលែក 0
មនុស្សគ្រាក់ៗ ៣នាក់នៅ Barca ជាប់សង្ស័យជាអ្នកបញ្ចេញរឿងសម្ងាត់ Messi
ចន្លោះមិនឃើញ
កាលពីម្សិលមិញនេះ មេធាវីរបស់ Lionel Messi បានសិក្សាពីរឿងធ្លាយឯកសារសម្ងាត់កុងត្រាឆ្នាំ២០១៧នោះហើយ ដោយក្នុងនោះបានដាក់ការសង្ស័យទៅលើមនុស្ស៣នាក់ដែលធ្លាប់ធ្វើការនៅ Barcelona យ៉ាងជិតស្និទ្ធបំផុត។
ដោយ៣នាក់នោះគឺ Bartomeu, Tusquets និង Grau ។ ពួកគេសុទ្ធតែមានចំណែកក្នុងការបន្ដកុងត្រានិងដាក់លក្ខខណ្ឌនានានៅលើកុងត្រាកាលពីឆ្នាំ២០១៧កន្លងទៅ។ ដោយកាលឆ្នាំ២០១៧នោះ Bartomeu ជាប្រធានក្លឹបផ្ទាល់ ចុះហត្ថលេខាជាមួយ Messi ។ លោក Grau ជា CEO ក្លឹប Barcelona និងលោក Tusquets ជាប្រធានក្លឹបបណ្ដោះអាសន្នរបស់ក្លឹបផ្ទាល់តែម្ដងនាពេលនេះ។
ការដាក់ការសង្ស័យនេះកើតឡើង ក្រោយពីលោក Dr Marti Saballs ដែលជាអ្នកសរសេររឿងបែកធ្លាយឯកសារកុងត្រានៅលើ El Mundo នោះ គឺជាមិត្តភក្ដិរបស់លោក Tusquets តែម្ដង ឬជាអ្នកស្គាល់គ្នាច្បាស់ជាមួយថ្នាក់ដឹកនាំក្រុម Barcelona ។
សូមបញ្ជាក់ថាលោក Tusquets នេះហើយ ដែលធ្លាប់បន្ទោសទៅលើក្រុមការងាររបស់លោក Bartomeu ដែលមិនព្រមលក់កីឡាករ Lionel Messi ចេញកាលពីរដូវក្ដៅកន្លងទៅ ដើម្បីយកប្រាក់មកដោះស្រាយក្លឹបអំឡុងពេលវិបត្តិកូវីដ១៩កន្លងទៅ។
ស្របពេលលោក Bartomeu ដែលជាអតីតប្រធានក្លឹបនោះ កាលពីម្សិលមិញបានចេញមុខមកបញ្ជាក់ច្បាស់ថាលោកមិនមែនជាអ្នកបញ្ចេញរឿងកុងត្រា Messi នេះឡើយ ព្រោះជារឿងមិនគួរធ្វើឡើយ៕