/6006cdc869566_1611058620_medium.jpg)
- 2021-01-19 13:04:52
- បាល់ទាត់
ក្លឹបអេស្ប៉ាញមួយ ក្លាយជាក្លឹបដំបូងគេ ដែលទិញកីឡាករប្រើ Bitcoin
- 2021-01-19 13:04:52
- ចំនួនមតិ 0 | ចំនួនចែករំលែក 0
ក្លឹបអេស្ប៉ាញមួយ ក្លាយជាក្លឹបដំបូងគេ ដែលទិញកីឡាករប្រើ Bitcoin
ចន្លោះមិនឃើញ
ក្លឹបអេស្ប៉ាញលំដាប់ទី៣ Internacional Madrid បានទិញអតីតខ្សែប្រយុទ្ធក្រុមយុវជន Real Madrid B កីឡាករ David Barral កាលពីថ្ងៃទី១៦ ខែមករា ហើយខាងក្លឹបបានប្រកាសថា កីឡាកររូបនេះជាកីឡាករដំបូងបង្អស់ក្នុងប្រវត្តិសាស្ត្របាល់ទាត់ ដែលផ្ទេរដោយប្រើប្រាស់រូបិយប័ណ្ណឌីជីថល ឬ Bitcoin។
យ៉ាងណាក៏ដោយ ខាងក្លឹបមិនបានបង្ហាញពីតម្លៃក្នុងការផ្ទេរនោះទេ ដោយគ្រាន់តែសរសេរក្នុងការបង្ហោះ Twitter របស់ខ្លួនថា ដោយសារតែម្ចាស់ឧបត្ថម្ភរបស់ខ្លួនគឺក្រុមហ៊ុន Criptain ទើបធ្វើឲ្យការផ្ទេរកីឡាករមួយនេះដំណើរការបាន។
បន្ទាប់ពីឃើញការផ្ទេរដោយប្រើប្រាស់រូបិយប័ណ្ណឌីជីថលនេះ មានការចោទជាសំណួរមួយថា ថ្ងៃក្រោយទៅការដោះដូរកីឡាករក្នុងពិភពបាល់ទាត់អាចប្រើ Bitcoin ដូចលើកនេះឬអត់ទេ។
សូមជម្រាបផងដែរថា ក្នុងថ្ងៃទី១៩ ខែមករា នេះ ១ Bitcoin មានតម្លៃស្មើនឹង ៣៧,០០០ដុល្លារអាមេរិក៕
