- 2020-11-17 06:16:36
- បាល់ទាត់
លីគ២៖ កែម វ៉ានដា ៥ប្រកួតជាប់ជម្រើស១១នាក់ដំបូងទាំង៥ប្រកួត
- 2020-11-17 06:16:36
- ចំនួនមតិ 0 | ចំនួនចែករំលែក 0
លីគ២៖ កែម វ៉ានដា ៥ប្រកួតជាប់ជម្រើស១១នាក់ដំបូងទាំង៥ប្រកួត
ចន្លោះមិនឃើញ
ខ្សែការពារកណ្ដាល កែម វ៉ានដា បានខឹតខំប្រឹងប្រែងហ្វឹកហាត់ខ្លាំង រហូតបានជាប់ជម្រើស១១នាក់ដំបូងទាំង៥ប្រកួត ឱ្យក្លឹប ISI Dangkor Senchey ក្នុងការប្រកួតប្រជែងជ្រើសជើងឯកកម្ពុជា លីគ២ឆ្នាំ២០២០ ក្រោយដំណើរការបាន៥សប្ដាហ៍ មុនសហព័ន្ធបាល់ទាត់កម្ពុជាប្រកាសផ្អាក ដោយសារការផ្ទុះជាថ្មីនៃជំងឺ Covid-19។
យុវជនវ័យ២១មកពីខេត្តត្បូងឃ្មុំ បានបង្ហាញអារម្មណ៍ត្រេកអរ និងលើកឡើងថា ៖«(ខ្ញុំ)សប្បាយចិត្ត ព្រោះយើងដណ្ដើមបានកៅអីដំបូងទាំង៥ប្រកួតអ៊ីចឹង។ មុនយើងដណ្ដើមកៅអីហ្នឹងបាន ដោយសារយើងខិតខំប្រឹងប្រែងហ្វឹកហាត់អីដែរ។ ស្ដាប់គ្រូដាក់លំហាត់ យើងធ្វើបានល្អ ដណ្ដើមបានកៅអី១១នាក់ អ៊ីចឹងយើងសប្បាយចិត្ត»។
តើវ៉ានដាយល់យ៉ាងណា ចំពោះការប្រកួតប្រជែង នៅលីគ២របស់កម្ពុជានេះ? អតីតយុវជន U18 ក្លឹបក្រសួងការពារជាតិ យល់ឃើញថាការប្រកួតប្រជែងលីគ២ មិនចាញ់លីគទី១ប៉ុន្មានឡើយ ព្រោះក្លឹបទាំង១០សុទ្ធតែមានមហិច្ចតា ចង់ឡើងទៅលេងនៅលីគទី១ដូចគ្នា។ ច្បាស់ណាស់ ពួកគេបានរៀបចំក្លឹប និងត្រៀមខ្លួនបានយ៉ាងល្អ។
ថ្វីបើក្រុមនីមួយៗមានការរៀបចំល្អ ប៉ុន្តែ កែម វ៉ានដា ថានឹងខិតខំប្រឹងប្រែង ដើម្បីជួយក្លឹបឱ្យទទួលបានជោគជ័យនៅលីគទី២។
កែម វ៉ានដា បន្ថែម ៖«ទោះក្លឹបយើងចាប់ផ្ដើមថ្មីជាលក្ខណៈអាជីព ប្រមូលផ្ដុំបានរយៈពេលខ្លីក៏ដោយ ខ្ញុំនឹងព្យាយាមប្ដេជ្ញាចិត្ត ខំប្រឹងហ្វឹកហាត់ គោរពវិន័យ ដើម្បីជួយក្លឹបឱ្យទទួលបានជោគជ័យនៅលីគទី២នេះ»។
គិតត្រឹមសប្ដាហ៍ទី៥ អតីតកីឡាករជម្រើសខេត្តកំពង់ចាម បានជួយឱ្យក្លឹប ISI Dangkor Senchey ឈ្នះ៣ ចាញ់១ និងស្មើ១ប្រកួត មាន១០ពិន្ទុឈរលេខរៀងទី៣ តាមពីក្រោយក្លឹបលេខ២ព្រៃវែង (១០ពិន្ទុ) និងលេខ១ TIFFY ARMY U-21 (១៣ពិន្ទុ)៕
រូបភាពផ្ដល់ឱ្យដោយ កែម វ៉ានដា