- 2020-05-05 02:02:10
- បាល់ទាត់
ដំណឹងល្អ! La Liga គ្រោងត្រលប់មកវិញនៅខែក្រោយ
- 2020-05-05 02:02:10
- ចំនួនមតិ 0 | ចំនួនចែករំលែក 0
ដំណឹងល្អ! La Liga គ្រោងត្រលប់មកវិញនៅខែក្រោយ
ចន្លោះមិនឃើញ
លីគកំពូលទាំងពីររបស់ប្រទេសអេស្ប៉ាញគ្រោងបន្តរដូវកាលរបស់ខ្លួនឡើងវិញនៅខែមិថុនាខាងមុខ ខណៈក្លឹបនៅ La Liga នឹងចូលហ្វឹកហាត់វិញក្នុងសប្ដាហ៍នេះ។
កីឡាករទាំងអស់ត្រូវតម្រូវឲ្យធ្វើតេស្ដរកវីរុសកូរ៉ូណាសិន ប្រសិនបើលទ្ធផលចេញមកអវិជ្ជមាននឹងអនុញ្ញាតឲ្យចូលទីលានហ្វឹកហាត់បាន។ រដ្ឋាភិបាលរបស់អេស្ប៉ាញបានបន្ធូរបន្ថយនៃច្បាប់រក្សាខ្លួនកាលពីថ្ងៃច័ន្ទ ហើយក្រសួងសុខាភិបាលបានអនុញ្ញាតឲ្យអត្តពលិកអាចហ្វឹកហាត់បានវិញ។
ប្រធានរបស់ La Liga លោក Javier Tebas បាននិយាយថា ការវិលត្រឡប់នៃបាល់ទាត់គឺជាសញ្ញាបង្ហាញថា សង្គមកំពុងរីកចម្រើនឆ្ពោះទៅរកភាពប្រក្រតីថ្មី។ លោកសង្ឃឹមថា បាល់ទាត់នឹងអាចចាប់ផ្ដើមលេងម្ដងទៀតនៅខែមិថុនា ហើយនឹងបញ្ចប់រដូវកាល២០១៩-២០ ដោយជោគជ័យ។
អេស្ប៉ាញជាប្រទេសដែលមានករណីឆ្លងខ្លាំងជាងគេមួយនៅតំបន់អឺរ៉ុបជាង២សែនករណី។ ក្នុងនោះបណ្ដាលឲ្យមានអ្នកស្លាប់ជាង២៥ ០០០នាក់ឯណោះ។ បាល់ទាត់ក្នុងប្រទេសមួយនេះបានផ្អាកតាំងពីខែមីនា៕