- 2018-08-29 07:30:21
- ព័ត៌មាន
Ronaldo បានក្លាយជាម្ចាស់ថ្មីរបស់ក្លឹប Valladolid នៅ La Liga
- 2018-08-29 07:30:21
- ចំនួនមតិ 0 | ចំនួនចែករំលែក 0
Ronaldo បានក្លាយជាម្ចាស់ថ្មីរបស់ក្លឹប Valladolid នៅ La Liga
ចន្លោះមិនឃើញ
Ronaldo Nazario ទីបំផុតបានក្លាយជាម្ចាស់ថ្មីរបស់ Real Valladolid ដែលជាក្លឹបនៅក្របខ័ណ្ឌកំពូលអេស្ប៉ាញបន្ទាប់ពីរូបគេទិញ និងគ្រប់គ្រងហ៊ុនភាគច្រើនរបស់ក្លឹប។
អតីតជយលាភី FIFA Player of the Year រូបនេះចាប់ផ្ដើមចរចាលើការទិញដូរមួយរយៈមកហើយ ប៉ុន្តែទើបសម្រេចជោគជ័យក្រោយម្ចាស់ក្លឹបចាស់ព្រមលក់ហ៊ុនក្នុងតម្លៃ៣០លានអឺរ៉ូ។ Valladolid បានជួបវិបត្តិហិរញ្ញវត្ថុដោយផុងខ្លួនក្នុងបំណុលប្រមាណ២៥លានអឺរ៉ូ។
Valladolid ដែលមានម្ចាស់ជាអ្នកជំនួញម៉ិកស៊ិកឈ្មោះ Ernesto Tinajero បានស្វែងរកម្ចាស់ក្លឹបថ្មីដើម្បីដោះស្រាយវិបត្តិខាងលើកាលពីប៉ុន្មានខែមុន ហើយទីបំផុត Ronaldo ចាប់អារម្មណ៍ និងចរចាទិញយកតែម្ដង។ Ronaldo មានទ្រព្យសម្បត្តិសរុបសល់ពីជំនាន់នៅជាកីឡាករប្រមាណជាង១៥០លានអឺរ៉ូ។
គួររម្លឹកថាក្រុម Real Valladolid ទើបឡើងមកលេងនៅ La Liga វិញរដូវកាលថ្មីក្រោយយកឈ្នះ Sporting Gijon និង Numancia នៅវគ្គ Play-off។ ២ប្រកួតដំបូងនៅក្របខ័ណ្ឌកំពូលរបស់ក្រុមអាយុ៩០ឆ្នាំមួយនេះមិនអាក្រក់ពេកទេដោយស្មើ Girona និងចាញ់ Barcelona ១ទល់នឹង០៕
