F1៖ Hamilton ថាខ្លួនគ្មានមហិច្ឆតាតាមកំណត់ត្រាវីរបុរស Schumacher

2017-12-09 01:00:41
ព័ត៌មាន

2017-12-09 01:00:41
ចំនួនមតិ 0 | ចំនួនចែករំលែក 0

ចន្លោះមិនឃើញ

Lewis Hamilton បាននិយាយថាខ្លួនគ្មានបំណងប្រណាំងរថយន្ត Formula 1 រហូតទាល់តែតាមទាន់កំណត់ត្រាវីរបុរស Michael Schumacher ទោះទេ។

Hamilton

ការនិយាយដូច្នេះរបស់អ្នកប្រណាំងរថយន្តសញ្ជាតិអង់គ្លេសបន្ទាប់ពីរូបគេបានឈ្នះជើងឯក Formula 1 ពិភពលោកលើកទី៤នៅឆ្នាំនេះ ខណៈវីរបុរស Schumacher ធ្លាប់ឈ្នះដល់៧ដង។ យ៉ាងណា Hamilton ដែលបច្ចុប្បន្នមានវ័យ៣២ឆ្នាំហើយនោះមិនគិតថាខ្លួនអាចធ្វើបានឡើយ។

កីឡាករដែលបើកឲ្យក្រុម Mercedes បាននិយាយថា៖ ខ្ញុំមិនគិតថាខ្លួនឯងអាចធ្វើបានទេ។ ជើងឯក៤ដងរបស់ខ្ញុំគឺចំណាយពេល១០ឆ្នាំទើបធ្វើបាន ដូច្នេះខ្ញុំគ្មានមហិច្ឆតាតាមទាន់ Schumacher ឡើយ បើអាចត្រឹមស្មើកំណត់ត្រា៥ដងរបស់លោក Fangio គឺពិសេសណាស់ទៅហើយ។

Fangio អតីតអ្នកប្រណាំងរថយន្ត F1 សញ្ជាតិអាហ្សង់ទីនធ្លាប់ឈ្នះជើងឯកពិភពលោក៥ដងអំឡុងទសវត្សឆ្នាំ៥០ ខណៈលេខ១គឺ លោក Schumacher ធ្លាប់ឈ្នះ៧ដងគឺនៅឆ្នាំ ១៩៩៤, ៩៥, ២០០០, ០១, ០២, ០៣ និង០៤៕