ក្រុមម៉ូតូហោះជាង៥០នាក់ ប្រកួតបច្ចេកទេសត្រៀមដណ្ដើមពានរង្វាន់ធំ 7NG

2017-11-29 04:02:30
ព័ត៌មាន

2017-11-29 04:02:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាករប្រណាំងម៉ូតូហោះជាង ៥០នាក់ បានចូលរួមប្រកួតបង្កើនបច្ចេកទេស និងកម្រិតសត្ថភាពរបស់ខ្លួនឲ្យកាន់តែខ្លាំង ដើម្បីឈានទៅការប្រកួតនៅវគ្គផ្តាច់ព្រ័ត្រ នាថ្ងៃទី១៧ ខែធ្នូ ឆ្នាំ២០១៧ខាងមុខនេះ។

នៅដំណាច់ឆ្នាំនេះ ទឹកដី វិហារសួគ៌ ស្រុកខ្សាច់កណ្តាល ខេត្តកណ្តាល នឹងមានព្រឹត្តិការណ៍ធំបំផុតមួយ ដោយមានទាំងកីឡាប្រណាំងម៉ូតូឆ្លងកាត់ឧបសគ្គ និងការប្រកួតប្រណាំងសេះលំដាប់អន្តរជាតិ ជុំផ្តាច់ព្រ័ត្រ ដែលជ័យលាភីសេះមានប្រាក់រង្វាន់រហូតដល់ ២ម៉ឺន៥ពាន់ដុល្លារ។ អ្នករៀបចំព្រឹត្តិការណ៍កីឡាប្រណាំងម៉ូតូនៃក្រុមហ៊ុន 7NG បានឲ្យដឹងថា ការប្រកួតកម្ដៅសាច់ដុំនេះកន្លងទៅនេះ គឺជាការផ្ដល់ឱកាសឲ្យកីឡាករម្នាក់ៗ បានស្វែងយល់ពីស្ថានភាពផ្លូវ។ មួយវិញទៀត បង្កើនសមត្ថភាពឲ្យកាន់តែល្អប្រសើរ ដើម្បីត្រៀមការប្រកួតផ្លូវការ អមដោយប្រាក់រង្វាន់ដ៏ច្រើន នាអំឡុងពាក់កណ្តាលខែក្រោយនេះ។

ការប្រកួតសាកល្បងនេះដែរ គណៈកម្មាការបានបែងចែកជា៤ កម្រិត ដោយកីឡាករ កម្រិត A មានកីឡាករជាង ១០នាក់ កម្រិតB មានកីឡាករជិត ២០នាក់ កម្រិតC មានកីឡាករ ១៤នាក់ និងក្រុមកីឡាវ័យចាស់ ដែលស្ថិតក្នុងក្រុម VIP គឺមានកីឡាករ ១៥នាក់ចូលរួម។ ការប្រកួតកីឡាប្រណាំងម៉ូតូឆ្លងកាត់ឧបសគ្គ ដណ្ដើមពានរង្វាន់ ប្រចាំឆ្នាំនៅលើទីលាន SCT Sport Complex មានប្រាក់រង្វាន់ ចាប់៥០០ដុល្លារ រហូតដល់ ៣ ពាន់ដុល្លារ៕

អត្ថបទ៖ មុន្នីរម្យ