- 2017-10-30 04:19:12
- ព័ត៌មាន
Hamilton ក្លាយជាជើងឯក Formula 1 ពិភពលោក
- 2017-10-30 04:19:12
- ចំនួនមតិ 0 | ចំនួនចែករំលែក 0
Hamilton ក្លាយជាជើងឯក Formula 1 ពិភពលោក
ចន្លោះមិនឃើញ
Lewis Hamilton បានក្លាយជាជើងឯកប្រណាំងរថយន្ត Formula 1 ពិភពលោកជាលើកទីបួនបើទោះជាបញ្ចប់ក្នុងចំណាត់ថ្នាក់លេខ៩នៅទីលាន Mexican Grand Prix ក៏ដោយ។
អ្នកប្រណាំងរថយន្តវ័យ៣២ឆ្នាំបានក្លាយជាអ្នកបើក Formula 1 ជនជាតិអង់គ្លេសជោគជ័យបំផុតក្រោយយកឈ្នះមិត្តរួមជាតិ Sir Jackie Stewart ដែលធ្លាប់ឈ្នះជើងឯកពិភពលោកចំនួន៣ដង។
គិតជារួម Hamilton មានកំណត់ត្រាឈ្នះ៤ដងដូចគ្នាជាមួយ Sebastian Vettel ជនជាតិអាល្លឺម៉ង់ និង Alain Prost ជនជាតិបារាំងប៉ុន្តែនៅចាញ់វីរបុរស Michael Schumacher ជនជាតិអាល្លឺម៉ង់ដែលធ្លាប់ឈ្នះ ៧ដង និង Juan Manuel Fangio ជនជាតិអាហ្សង់ទីនធ្លាប់ឈ្នះ៥ដង។
ការប្រណាំងរថយន្ត Formula 1 ឬF1 រដូវកាល២០១៧បានបញ្ចប់ ១៨ទីលានហើយ ក្នុងនោះនៅសល់២ទីលានទៀតទើបចប់រដូវកាល ប៉ុន្តែយ៉ាងណាជើងឯកបានធ្លាក់ទៅលើ Lewis Hamilton បន្ទាប់ពីរូបគេមាន ៣៣៣ពិន្ទុដាច់លេខ២ Sebastian Vettel ដែលមានត្រឹម២៧៧ពិន្ទុប៉ុណ្ណោះនៅក្នុងដៃ៕
