- 2017-10-25 04:01:08
- បាល់ទាត់
ក្រុមសាកលវិទ្យាល័យស្វាយរៀងឈ្នះជើងឯកពាននិស្សិតឧត្តមសិក្សាជាតិលើកដំបូង!
- 2017-10-25 04:01:08
- ចំនួនមតិ 0 | ចំនួនចែករំលែក 0
ក្រុមសាកលវិទ្យាល័យស្វាយរៀងឈ្នះជើងឯកពាននិស្សិតឧត្តមសិក្សាជាតិលើកដំបូង!
ចន្លោះមិនឃើញ
ក្រុមបាល់ទាត់សាកលវិទ្យាល័យស្វាយរៀងបានឈ្នះជើងឯកពានរង្វាន់កីឡាបាល់ទាត់និស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំសិក្សា២០១៦-២០១៧ ដែលរៀបចំដោយក្រសួងអប់រំយុវជន និងកីឡាជាលើកទី១ កាលពីរសៀលថ្ងៃអង្គារ ទី២៤ ខែតុលា ឆ្នាំ២០១៧។
ពានរង្វាន់កីឡាបាល់ទាត់និស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០១៧ ត្រូវបានបញ្ចប់នៅរសៀលថ្ងៃទី២៤ ខែតុលា ឆ្នាំ២០១៧ ដោយចំណាយពេលវេលាដំណើរការប្រកួតអស់រយៈពេល១០ថ្ងៃ ចាប់ពីថ្ងៃទី១៦ ដល់ថ្ងៃទី២៥ ខែតុលា។ ក្រុមបាល់ទាត់ដែលមកពីបណ្តាសាកលវិទ្យាល័យនានាទូទាំងប្រទេសកម្ពុជាចូលរួមក្នុងព្រឹត្តិការណ៍នេះមានចំនួន១៤ក្រុម បែងចែកចេញជា៤ពូល ដោយក្នុង២ពូលមាន៣ក្រុម និង២ពូលទៀតមាន៤ក្រុម ធ្វើការប្រកួតសន្សំពិន្ទុក្នុងពូល រហូតរកឃើញក្រុមឡើងទៅវគ្គខ្វែងបន្ត រហូតដល់វគ្គផ្តាច់ព្រ័ត្រ។
ក្នុងនោះក្រុមបាល់ទាត់សាកលវិទ្យាល័យស្វាយរៀង ដែលមានការយកចិត្តទុកដាក់ និងឧបត្ថម្ភគាំទ្រដោយ ឯកឧត្តម ឌី វិជ្ជា ប្រធានក្រុមប្រឹក្សាភិបាល នៃសាកលវិទ្យាល័យស្វាយរៀង បានធ្វើការប្រកួតដោយទទួលបានលទ្ធផលជ័យជំនះចាប់ពីប្រកួតដំបូងរហូតដល់ប្រកួតវគ្គផ្តាច់ព្រ័ត្រ គឺបានយកឈ្នះក្រុមបាល់ទាត់វិទ្យាស្ថានបច្ចេកទេសនៅទីលានបាល់ទាត់វិទ្យាល័យច្បារអំពៅ។
សរុបជារួមក្រុមបាល់ទាត់សាកលវិទ្យាល័យស្វាយរៀងបានជយលាភីលេខ១ ក្នុងពានរង្វាន់និស្សិតឧត្តមសិក្សាទូទាំងប្រទេស ជាលើកទី១។ កាលពីឆ្នាំសិក្សាមុនៗបានត្រឹមចំណាត់ថ្នាក់លេខ៣ និងលេខ២ប៉ុណ្ណោះ៕
