- 2017-09-26 02:42:17
- បាល់ទាត់
សប្បាយហ៊ោហើយអ្នកស្រុកកៀនស្វាយជាមួយពាន សឺន សាន
- 2017-09-26 02:42:17
- ចំនួនមតិ 0 | ចំនួនចែករំលែក 0
សប្បាយហ៊ោហើយអ្នកស្រុកកៀនស្វាយជាមួយពាន សឺន សាន
ចន្លោះមិនឃើញ
ប្រិយមិត្តដែលនិយមស្នេហាវិស័យកីឡាបាល់ទាត់ពិតជាបាន ពិសេសបងប្អូនអ្នកស្រុកគៀនស្វាយពិតជាបានសប្បាយហ៊ោរទៀតហើយជាមួយការប្រកួតពានរង្វាន់សប្បុរសធម៌សម្ដេចបវរសេដ្ឋាធិបតី សឺន សាន នាដើមខែតុលាខាងមុខនេះ នៅភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្ដាល។
ការប្រកួតពានរង្វាន់ខាងលើ បានចាប់ឆ្នោតបែងចែកពូលរួចរាល់ជាផ្លូវការហើយ កាលពីថ្ងៃទី២៥ ខែកញ្ញា ឆ្នាំ២០១៧ ម្សិលមិញនេះ។ ការចែកចេញជា៤ពូល ក្នុងមួយពូលៗមាន៤ក្រុម ដែលរួមមាន៖
ពូល A៖ ក្រុមយុវជនចំពុះក្អែក ស្ដេចគ្រុឌ ក្រុម NERC និងយុវជនបៃតង
ពូល B៖ ក្រុមអង្គការ LCDI (ឥន្ទ្រីក្រហម), យុវជនជុំរំ, អធិរាជហនុមាន និងរាជសីហ៍ឆ្លងដែនខ្សំ FC
ពូល C៖ ក្រុមយុវជនខ្លាអគ្គី រាជសីហ៍កោះក្របី ខ្លាកំណាចកោះផុស និងអធិរាជហនុមាន
ពូល D៖ ក្រុមយុវជនស្ដេចក្របី អធិរាជអ្នកតាវាំង យុវជនស្វាយរលំ និង Juanna FC
ការប្រកួតនឹងចាប់ផ្ដើមពីថ្ងៃទី១ ខែតុលា ឆ្នាំ២០១៧ រហូតដល់ថ្ងៃទី១០ ខែធ្នូ ឆ្នាំ២០១៧ ដោយការប្រកួតធ្វើឡើងរៀងរាល់ថ្ងៃអាទិត្យ ដែលជាការប្រកួតវិលជុំសន្សំពិន្ទុតាមពូលនីមួយៗ ដើម្បីរកក្រុមខ្លាំងឡើងទៅវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។
គោលបំណងនៃការរៀបចំពានរង្វាន់នេះគឺដើម្បីប្រមូលថវិកាជួយដល់កុមារកំព្រានៅមជ្ឈមណ្ឌល និងចូលរួមលើកស្ទួយវិស័យកីឡាបាល់ទាត់យើងឱ្យកាន់តែរីកចម្រើន ពិសេសបំផុសស្មារតីយុវជនទាំងអស់ឱ្យចូលរួមលេងកីឡា ជៀសឆ្ងាយពីគ្រឿងញៀន៕
