- 2017-09-11 03:43:20
- បាល់ទាត់
រកឃើញ២ក្រុមឡើងវគ្គផ្តាច់ព្រ័ត្រហើយពានខេត្តក្រចេះ
- 2017-09-11 03:43:20
- ចំនួនមតិ 0 | ចំនួនចែករំលែក 0
រកឃើញ២ក្រុមឡើងវគ្គផ្តាច់ព្រ័ត្រហើយពានខេត្តក្រចេះ
ចន្លោះមិនឃើញ
ការប្រកួតបាល់ទាត់យុវជនអាយុក្រោម២១ឆ្នាំ របស់មន្ទីរអប់រំ យុវជន និងកីឡាខេត្តក្រចេះ បានរកឃើញក្រុមឡើងវគ្គផ្តាច់ព្រ័ត្រហើយគឺ ក្រុងក្រចេះ និង ហាហង្សស្រុកឆ្លូង ក្រោយក្រោយពេលក្រុមទាំងពីរទទួលបានជ័យជម្នះដូចគ្នានៅវគ្គពាក់កណ្តាលផ្តាច់ព្រ័ត្រកាលពីថ្ងៃសៅរ៍ និងអាទិត្យម្សិលមិញនេះ។
ការប្រកួតវគ្គពាក់កណ្តាលផ្តាច់ព្រ័ត្រ ក្រុងក្រចេះបានប្រើពេលរហូតដល់នាទី៧០ ទើបអាចបំប៉ោងសំណាញ់ទីក្រុមបាល់ទាត់ស្រុកសំបូរ ដោយកីឡាករ ម៉េង សែ ពាក់លេខ៩ ក្រោយការបញ្ជូនបាល់ដ៏ល្អពីកីឡាករល្បីខាងល្បឿនលឿន ពិសិដ្ឋ ពាក់លេខ១១។ ការពិតណាស់ កីឡាករដែលបោះបាល់ឲ្យគេទាត់បញ្ចូលទីរូបនេះរកបានគ្រាប់បាល់ទី២ ជូនក្រុមរបស់ខ្លួន ដើម្បីយកឈ្នះក្នុងលទ្ធផល ២-០។
មួយគូទៀតក្រុម បាល់ទាត់សាលាអរុណរះ ដែលរំពឹងឡើងវគ្គផ្តាច់ព្រ័ត្រនោះបានខកចិត្តយ៉ាងខ្លាំង បន្ទាប់ពីហាហង្សស្រុកឆ្លូងរកគ្រាប់បាល់ជ័យជម្នះនៅនាទី៩០+២។ ក្រុមមហាហង្សបាននាំមុខ១-០ នៅវគ្គទីមួយ ប៉ុន្តែក្រុមសាលាអរុណរះតាមស្មើ១-១ នៅវគ្គទី២។ ការប្រកួតស្ទើរបញ្ចប់ដោយការទាត់បាល់១១ម៉ែត្រដើម្បីកាត់សេចក្តីទៅ ប៉ុន្តែហាហង្សស្រុកឆ្លូងរកគ្រាប់បាល់ជ័យជម្នះនៅចុងម៉ោងដើម្បីបញ្ចប់ដោយលទ្ធផល ២-១។
លទ្ធផលវគ្គពាក់កណ្តាលផ្តាច់ព្រ័ត្រ
ក្រុងក្រចេះ ២-០ ស្រុកសំបូរ
មហាហង្សស្រុកឆ្លូង ២-១ សាលាអរុណរះ
ការប្រកួតវគ្គផ្តាច់ព្រ័ត្រ
សាលាអរុណរះ vs ស្រុកសំបូរ (យកលេខ៣) ថ្ងៃទី១៦ កញ្ញា ២០១៧
ក្រុងក្រចេះ vs មហាហង្ស ឆ្លូង (យកជើងឯក) ថ្ងៃទី១៧ កញ្ញា ២០១៧
