វិភាគថេរៈវេលារបស់ វិទីនី ប្រឈមដៃគូសុទ្ធតែលំដាប់កំពូល ត្រូវប្រកួតថ្ងៃនេះ

2017-08-22 23:06:00
ព័ត៌មាន

2017-08-22 23:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីហែលទឹកជម្រើសជាតិកម្ពុជា ហែមថុន វិទីនីរំពឹងត្រឹមតែឈានចូលជុំផ្តាច់ព្រ័ត្រក៏ចិត្តសម្រាប់ការចូលរួមប្រកួតក្នុងព្រឹត្តិការណ៍កីឡាស៊ីហ្គេមឆ្នាំ២០១៧នៅប្រទេសម៉ាឡេស៊ី។

វីទីនីបានលើកឡើងថា កីឡាករ កីឡាការិនីហែលទឹកនៅក្នុងប្រទេសអាស៊ានមួយចំនួនមានកម្រិតគុណភាពលំដាប់ពិភពពិភពលោកហើយដូចជាប្រទេសសិង្ហបុរី វៀតណាម និងហ្វីលីពីនជាដើម។ ពួកគេទាំងនោះសុទ្ធតែតំណាងឲ្យប្រទេសរបស់ខ្លួនចូលរួមប្រកួតក្នុងព្រឹត្តិការណ៍កីឡាស៊ីហ្គេម។ ពួកគេសុទ្ធតែធ្លាប់ឈ្នះមេដាយកម្រិតអាស៊ី និងពិភពលោក ដូច្នេះពិតជាពិបាកសម្រាប់ក្រុមអត្តពលិកហែលទឹកកម្ពុជាក្នុងការដណ្តើមមេដាយស៊ីហ្គេម។

កីឡាការិនីរូបនេះបន្តថា សមត្ថភាពរបស់នាងបើប្រៀបនឹងលើកមុនមានលក្ខណៈល្អប្រសើរ ប៉ុន្តែបើប្រៀបនឹងកីឡាការិនីមួយចំនួនអាស៊ាន កញ្ញានៅមានកម្រិត។ កីឡាការិនីសិង្ហបុរី២នាក់ហ្វឹកហាត់នៅអាមេរិក កីឡាការិនីហ្វីលីពីន និងកីឡាការិនីវៀតណាមហ្វឹកហាត់នៅអាមេរិកជាមួយកីឡាករ កីឡាការិនីសុទ្ធតែលំដាប់ពិភពលោក។ កញ្ញាសារភាពថា ការប្រកួតស៊ីហ្គេមលើកនេះរឹតតែលំបាកខ្លាំង ប៉ុន្តែការឈានដល់ជុំផ្តាច់ព្រ័ត្រជាគោលបំណងរបស់នាងដើម្បីបំបែកកំណត់ត្រាថ្មី។

ចំពោះលោក ហែម គីរី អគ្គលេខាធិការសហព័ន្ធខ្មែរកីឡាហែលទឹកបានវិភាគថា បច្ចុប្បន្ននេះថេរៈវេលារបស់ហែមថុន វិទីនីល្អក្នុងនោះវិញ្ញាសាហែលសេរី៥០ម៉ែត្រ នាងអាចធ្វើបានរហូតដល់២៧វិនាទី។ កីឡាការិនីដែលធ្លាប់ឈ្នះមេដាយសំរឹទ្ធនៅស៊ីហ្គេមតាំងឆ្នាំ១៩៩០រហូតដល់ឆ្នាំ២០១៥គឺប្រើថេរៈវេលាប្រហែល២៧វិនាទីនេះ។ ដូច្នេះបើ វិទីនីនៅតែរក្សាថេរៈវេលានេះគឺអាចនឹងដណ្តើមបានមេដាយសំរឹទ្ធបាន។ លោកបញ្ជាក់ថា យ៉ាងណាធ្វើឲ្យបានត្រឹមថេរៈវេលា២៧វិនាទីស្តើងទើបអាចសង្ឃឹមបានមេដាយ ប៉ុន្តែបើថេរៈវេលាត្រឹម២៧វិនាទីក្រាស់ឡើងគឺមិនងាយរកមេដាយបានទេ។

លោកអគ្គលេខាធិការរូបនេះបន្ថែមថា ស៊ីហ្គេម ឆ្នាំ២០១៥កន្លងទៅ កីឡាការិនីហែលទឹកសិង្ហបុរី Lim Xiang Qi Amanda បានប្រើថេរៈវេលា២៥.៥៩វិនាទីដើម្បីឈ្នះមេដាយមាសសម្រាប់វិញ្ញាសាហែលទឹកសេរី៥០ម៉ែត្រគឺលឿនជាងគេបំផុត បើបើប្រៀបធៀបនឹងកំណត់ត្រាចាស់ៗកន្លងមកក្នុងព្រឹត្តិការណ៍កីឡាស៊ីហ្គេម។ ចំពោះ ហែមថុន វិទីនី ប្រើថេរៈវេលា៣០.៦០ វិនាទីដែលនៅលើកីឡាការិនីឡាវតែម្នាក់គត់គឺ Sirarun Budcharern ធ្វើបាន ៣៤.៣៤វិនាទី៕

សូមទស្សនាវីដេអូ