- 2017-08-15 02:39:52
- បាល់ទាត់
ជើងឯកខេត្តក្រចេះរកឃើញ២ក្រុមឡើងវគ្គពាក់កណ្ដាលផ្តាច់ព្រ័ត្រហើយ
- 2017-08-15 02:39:52
- ចំនួនមតិ 0 | ចំនួនចែករំលែក 0
ជើងឯកខេត្តក្រចេះរកឃើញ២ក្រុមឡើងវគ្គពាក់កណ្ដាលផ្តាច់ព្រ័ត្រហើយ
ចន្លោះមិនឃើញ
ការប្រកួតបាល់ទាត់ជ្រើសរើសជើងឯកខេត្តក្រចេះប្រចាំឆ្នាំ២០១៧រកឃើញក្រុមពីរនៅពូល B គឺមហាហង្សស្រុកឆ្លូង និងក្រុមស្រុកសំបូរឡើងវគ្គពាក់កណ្តាលផ្តាច់ព្រ័ត្រ ប៉ុន្តែនៅពូល A មិនទាន់រកឃើញនៅឡើយទេ។
ការប្រកួតវគ្គសន្សំពិន្ទុក្នុងពូល B ចុងសប្តាហ៍កន្លងទៅនេះ ក្រុមមហាហង្សស្រុកឆ្លូងបានយកឈ្នះក្រុមរួមស្រុកគឺវិទ្យាល័យគាតឈន់ដោយលទ្ធផល ២-០ ឡើងទៅកាន់វគ្គពាក់កណ្តាលផ្តាច់ព្រ័ត្រ។ ចំពោះស្រុកសំបូរបានលត់ក្រុមវិទ្យាល័យកន្ទួតយ៉ាងចាស់ដៃរហូតដល់១៥-១ ដើម្បីបានកក់កៅអីឡើងវគ្គពាក់កណ្តាលផ្តាច់ព្រ័ត្រ។ ដូច្នេះក្រុមវិទ្យាល័យគាតឈន់ និងក្រុមវិទ្យាល័យកន្ទួតត្រូវត្រឡប់ទៅផ្ទះវិញ។
ចំណែកនៅពូល Aវិញ ក្រុងក្រចេះបានបរាជ័យក្រោមថ្វីជើងក្រុមបាល់ទាត់សាលាអរុណរះក្នុងលទ្ធផល ១-០។ បរាជ័យនេះធ្វើឲ្យសាលាអរុណរះទទួលបាន៦ពិន្ទុក្នុង២ប្រកួត ស្មើពិន្ទុក្រុមក្រុងក្រចេះដែរ ប៉ុន្តែនៅសល់២ប្រកួតក្នុងដៃទៀត។ យ៉ាងណា ពូលនេះ នៅមិនទាន់រកឃើញក្រុមដែលត្រូវឡើងពាក់កណ្តាលផ្តាច់ព្រ័ត្រនៅឡើងទេ ពោលគឺរង់ចាំដល់ចុងសប្តាហ៍នេះ។
លទ្ធផលថ្ងៃសៅរ៍ ទី១២ សីហា ពូលA វិទ្យាល័យកុសមៈ ០-១ សាលាចំណេះដឹងទូទៅអរុណរះ យុវជនឃុំថ្មគ្រែ ២-១ យុវជនឃុំសណ្ដាន់ លទ្ធផល ថ្ងៃអាទិត្យ ទី១៤ សីហា ពូល B យុវជនស្រុកសំបូរ ១៥-១ វិទ្យាល័យឃុំកន្ទួត ក្រុមមហាហង្សស្រុកឆ្លូង ២-០ វិទ្យាល័យគាតឈន់
