- 2017-08-14 03:07:36
- ព័ត៌មាន
វីរនារី ស៊ន សៀវម៉ី ទម្លាយការពិត២យ៉ាងដែលបារម្ភពេលទៅវ៉ៃនៅស៊ីហ្គេម
- 2017-08-14 03:07:36
- ចំនួនមតិ 0 | ចំនួនចែករំលែក 0
វីរនារី ស៊ន សៀវម៉ី ទម្លាយការពិត២យ៉ាងដែលបារម្ភពេលទៅវ៉ៃនៅស៊ីហ្គេម
ចន្លោះមិនឃើញ
កីឡាការិនីតេក្វាន់ដូជម្រើសជាតិកម្ពុជា ស៊ន សៀវម៉ី បានទម្លាយឲ្យដឹងបញ្ហាពីរយ៉ាងដែលនាងព្រួយបារម្ភពេលទៅប្រកួតក្នុងព្រឹត្តិការណ៍កីឡាស៊ីហ្គេមលើកទី២៩នៅប្រទេសម៉ាឡេស៊ីនាពេលដ៏ខ្លីខាងមុខនេះ។
វីរនារីកម្ពុជា ស៊ន សៀវម៉ី បានប្រាប់ថា កញ្ញាមានចំណុចល្អជាច្រើនដែលមានប្រៀបលើកីឡាការិនីផ្សេងៗទៀតដែលនឹងចូលរួមប្រកួតនៅស៊ីហ្គេមឆ្នាំនេះ។ កម្ពស់ខ្ពស់ កីឡាការិនីមកពីប្រទេសនៅអាស៊ានមួយចំនួនក៏ធ្លាប់ចាញ់នាង និងខ្លួននាងផ្ទាល់មានបទពិសោធន៍ច្រើនទាំងថ្នាក់តំបន់ អាស៊ី និងពិភពលោកដែលជំរុញឲ្យនាងមានសង្ឃឹមឈ្នះមេដាយ។
ទោះបីជាយ៉ាងណា កីឡាការិនីកម្ពុជាដំបូងដែលទទួលបានសិទ្ធិពេញបរិបូរណ៍ក្នុងការចូលរួមប្រកួតព្រឹត្តិការណ៍កីឡាអូឡាំពិកកន្លងទៅមានបញ្ហាគួរឲ្យបារម្ភ២យ៉ាងសម្រាប់ការចូលរួមប្រកួតស៊ីហ្គេមនេះ។ ទី១បញ្ហារបួសជង្គង់របស់នាងមិនទាន់ជាសះស្បើយទាំងស្រុងទេ។ កន្លងមកកញ្ញាបានហ្វឹកហាត់ និងចូលរួមប្រកួតអន្តរជាតិទាំងជង្គង់ឈឺ។ ទឹកចិត្តរបស់នាងចង់ហ្វឹកហាត់ឲ្យដល់កម្រិត ប៉ុន្តែពេលខ្លះក៏ត្រូវការសម្រាកដែរដើម្បីកុំឲ្យមានបញ្ហាដល់ជង្គង់។ ទី២កញ្ញាបារម្ភកម្លាំងស៊ុហ្វមិនគ្រប់គ្រាន់ ប្រសិនបើប៉ះដៃគូមានកម្លាំងខ្លាំងដូចបុរស។ កម្លាំងស៊ុហ្វមិនគ្រប់គ្រាន់សម្រាប់ការប្រកួត២ឬ៣ដងក្នុងមួយថ្ងៃបណ្តាលមកបញ្ហាជង្គង់ដែលធ្វើឲ្យនាងហ្វឹកហាត់មិនដិតដល់។
ពាក់ព័ន្ធនឹងបញ្ហាជង្គង់នេះ លោក Chio Yongsok គ្រូបង្វឹកជម្រើសជាតិកម្ពុជាបាននិយាយថា ស៊ន សៀវម៉ីមានបញ្ហាជង្គង់យូរហើយ ដូច្នេះហើយទើបបានជាលោកមិនឲ្យនាងហ្វឹកហាត់ខ្លាំងទេ ប៉ុន្តែពេលខ្លះកីឡាការិនីរូបនេះខិតខំហ្វឹកហាត់ច្រើនម៉ោងជាងអ្វីដែលបានលោកកំណត់ទៀត។ ចំពោះបញ្ហាកម្លាំងវិញ លោកមិនព្រួយបារម្ភអ្វីឡើយ។
ស៊ន សៀវម៉ី អាចនឹងឈប់សម្រាករយៈពេលប្រហែលមួយឆ្នាំដើម្បីព្យាបាលជង្គង់ឲ្យជាសះស្បើយ ប៉ុន្តែបន្ទាប់ពីចប់ស៊ីហ្គេមនៅម៉ាឡេស៊ី នាងត្រូវមានភារកិច្ចទៅប្រកួតក្នុងព្រឹត្តិការណ៍កីឡា 2017 Asian Indoor and Martial Arts Games នៅទីក្រុង Ashgabat នៅប្រទេសទួរមេនីស្ថាន ពីថ្ងៃទី១៧-២៧ ខែកញ្ញា ឆ្នាំ២០១៧៕
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕
ជំនឿចិត្តខ្ពស់! គ្រូតេក្វាន់ដូមកពីកូរ៉េសង្ឃឹមឈ្នះមេដាយមាស២ពីស៊ីហ្គេម
កីឡា៦នេះកម្ពុជារំពឹងបានមេដាយមាស ចុះកាល២០១៥ប្រទេសណាម្ចាស់មេដាយមាសខ្លះ?