កម្ពុជាចូលរួមមហាសន្និបាតសមាគមគណៈកម្មាធិការអូឡាំពិកជាតិពិភពលោកនៅថៃ

2014-11-07 21:48:46
ព័ត៌មាន

2014-11-07 21:48:46
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មាធិការជាតិអូឡាំពិកកម្ពុជាដឹកនាំដោយឯកឧត្តម វ៉ាត់ ចំរើន បានចូលមហាសន្និបាតនៃសមាគមគណៈកម្មាធិការជាតិអូឡាំពិកពិភពលោក(ANOC)លើកទី១៩ដែលត្រូវបានប្រារព្ធឡើងនៅទីក្រុងបាងកក ប្រទេសថៃចាប់ពីថ្ងៃទី៥-៨ ខែវិច្ឆិកា ឆ្នាំ២០១៤ ក្រោមអធិបតីភាពលោក Prayuth Chanochoa នាយករដ្ឋមន្ត្រីថៃ។

តាមការឲ្យដឹងពីលោក Ken Gadaffi ទីប្រឹក្សាគណៈកម្មាធិការជាតិអូឡាំពិកកម្ពុជាថា ប្រធាន ANOC លោក Sheikh Ahmad Al-Fahad Al-Sabah បានស្វាគមន៍ចំពោះវត្តមានសមាជិកទាំងអស់ចំនួន២០៣ប្រទេសក្នុងនោះមានទាំងប្រទេសកម្ពុជាផងសម្រាប់ពីបើកជាផ្លូវការ ហើយប្រធានគណៈកម្មាធិការអូឡាំពិកអន្តរជាតិលោក ( IOC)លោក Thomas Bach បានលើកឡើងថា ANOC ជាស្ថាប័នដ៏ល្អរបស់ពួកគេ ហើយភាពរីកចម្រើនបានកើតឡើងក្នុងរង្វង់ចលនាអូឡាំពិក។

សម្រាប់របៀបវារៈចម្បងនៃមហាសន្និបាតនេះគឺកំណែទម្រង់ និងទំនើបភាវូប្បនីយកម្មនៃសមាគមគណៈកម្មាធិការជាតិអូឡាំពិក និងការបោះឆ្នោតជ្រើសរើសថ្នាក់ដឹកនាំអាណត្តិថ្មី២០១៤-២០១៨។ ទោះបីជាយ៉ាងណាលទ្ធផលនៃការបោះឆ្នោតជ្រើសរើសថ្នាក់ដឹកនាំសម្រាប់អាណត្តិថ្មីមិនត្រូវបានឲ្យដឹងនៅឡើយទេ។

ចូលរួមក្នុងមហាសន្និបាតនេះ ប្រទេសកម្ពុជាជាសមាជិកបានដឹកនាំដោយឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងទីប្រឹក្សាលោក Gabriel Ken Gadaffi៕