- 2017-03-10 07:56:18
- បាល់ទាត់
Ronaldo បដិសេធមិនប៉ះពាន Confederations Cup ដោយសារមូលហេតុមួយ
- 2017-03-10 07:56:18
- ចំនួនមតិ 0 | ចំនួនចែករំលែក 0
Ronaldo បដិសេធមិនប៉ះពាន Confederations Cup ដោយសារមូលហេតុមួយ
ចន្លោះមិនឃើញ
Cristiano Ronaldo បានទៅទស្សនាបន្ទប់ដាក់ពាន Confederations Cup កាលពីពេលកន្លងទៅតែបដិសេធមិនប៉ះពាល់វានោះទេ។
ខ្សែប្រយុទ្ធមកពីក្រុម Real Madrid បានឲ្យដឹងថាទម្លាប់មិនប៉ះពានមុនឈ្នះដោយសារខ្លាចទទួលសំណាងអាក្រក់។ “ខ្ញុំមិនដែលប៉ះពាល់មុនទេ ព្រោះវាអាចឲ្យយើងសំណាងអាក្រក់។ ខ្ញុំចង់ឈ្នះពាននេះ វាគឺជាក្ដីស្រមៃមួយ ប៉ុន្តែផ្លូវនៅវែងឆ្ងាយទៀត”។
ក្រុមជម្រើសជាតិព័រទុយហ្គាល់ដែលមាន Ronaldo ជាប្រធានក្រុមនឹងត្រូវតំណាងឲ្យទ្វីបអឺរ៉ុបលេងពាន Confederations Cup បន្ទាប់ពីពួកគេឈ្នះ Euro នៅប្រទេសបារាំង។ ពានរង្វាន់ខាងលើនឹងប្រកួតនៅប្រទេសរុស្ស៊ីចាប់ពីថ្ងៃ១៧ មិថុនា ដល់២កក្កដា។
មានប្រទេសចំនួន៨ នឹងប្រកួតប្រជែងយកពាន ក្នុងនោះមានម្ចាស់ផ្ទះរុស្ស៊ី, អាល្លឺម៉ង់ (ជើងឯកពិភពលោក ២០១៤), អូស្ត្រាលី (ជើងឯកនៅទ្វីបអាស៊ី), ឈីលី (ជើងឯកអាមេរិកខាងត្បូង), ម៉ិកស៊ិក (ជើងឯកអាមេរិកខាងជើង), នូវែលហ្សេឡង់ (ជើងឯកទ្វីបអូស្យានី), ព័រទុយហ្គាល់ (ជើងឯកទ្វីបអឺរ៉ុប) និងកាមេរ៉ូន (ជើងឯកទ្វីបអាហ្វ្រិក)៕
