- 2017-02-06 04:30:26
- ព័ត៌មាន
កីឡាទាញព្រ័ត្រត្រៀមខ្លួនបានល្អ មុនទៅជើងឯកអាស៊ី និងអាស៊ីអាគ្នេយ៍នៅថៃ
- 2017-02-06 04:30:26
- ចំនួនមតិ 0 | ចំនួនចែករំលែក 0
កីឡាទាញព្រ័ត្រត្រៀមខ្លួនបានល្អ មុនទៅជើងឯកអាស៊ី និងអាស៊ីអាគ្នេយ៍នៅថៃ
ចន្លោះមិនឃើញ
សហព័ន្ធកីឡាទាញព្រ័ត្រកម្ពុជា បានត្រៀមខ្លួនហ្វឹកហាត់ពីរខែមកហើយ ដើម្បីត្រៀមខ្លួនចូលរួមប្រកួតប្រជែងក្នុងព្រឹត្តិការណ៍កីឡាទាញព្រ័ត្រអាស៊ី និងអាស៊ីអាគ្នេយ៍លើកទី១១ នៅទឹកដីថៃនា ថ្ងៃទី២៦-៣០ ខែមេសា ឆ្នាំ២០១៧ ខាងមុខនេះ។
ក្នុងសន្និសីទកាសែតកាលពីម្សិលមិញ នៅទីស្ដីការគណៈកម្មាធិការជាតិអូឡាំពិកកម្ពុជាឯកឧត្ដម មាស សារិន ប្រធានសហព័ន្ធកីឡាទាញព្រ័ត្រកម្ពុជាបានឲ្យដឹងថា ការចូលរួមប្រកួតព្រឹត្តិការណ៍ខាងលើនេះកម្ពុជាបានត្រៀមខ្លួនបានល្អ។ កម្ពុជាសង្ឃឹមទទួលបានលទ្ធផលល្អ ព្រមទាំងអាចប្រជែងយកមេដាយបាន។
លោកបន្ថែមថា សម្រាប់ប្រទេសចូលរួមមិនទាន់ទទួលបានជាក់លាក់នៅឡើយ ដោយសារមកទល់ពេលនេះនៅមានប្រទេសកំពុងចុះឈ្មោះនៅឡើយ។ កម្ពុជាបានបញ្ជូនកីឡាករចំនួន៤វិញ្ញាសាឲ្យទៅចូលរួមប្រកួតរួមមាន លើ ២៣ឆ្នាំបុរស ក្រោម២៣ឆ្នាំបុរស ក្រោម២៣ឆ្នាំនារី និងលើ២៣ ឆ្នាំនារី។
អ្នកស្រី ប្រាក់ សម្ផស្ស អគ្គលេខាធិការសហព័ន្ធមួយនេះបានលើកឡើងថា កីឡាករទាំងអស់កំពុងហ្វឹកហាត់រៀងរាល់មួយសប្ដាហ៍ម្ដងរៀងរាល់ថ្ងៃចុងសប្ដាហ៍ និងគ្រោងបង្កើនឲ្យបានយ៉ាងតិច ២ដងក្នុងមួយសប្ដាហ៍មុនពេលចេញដំណើរ។ ទន្ទឹមនឹងនោះកីឡាករ-កីឡាការិនីក៏បានហ្វឹកហាត់ខ្លួនឯងបានយ៉ាងល្អផងដែរ បន្ថែមពីលើអ្វីដែលហ្វឹកហាត់រាល់សប្ដាហ៍នោះ។ ក្រុមកីឡាករ-កីឡាការិនីទាញព្រ័ត្រកម្ពុជា នឹងចេញដំណើរនាថ្ងៃទី២៤ ខែមេសា ឆ្នាំ២០១៧ ទៅទឹកដីថៃ ដើម្បីត្រៀមខ្លួនចូលរួមប្រកួតព្រឹត្តិការណ៍កីឡាទាញព្រ័ត្រអាស៊ី និងអាស៊ានលើកទី១១ នៅទឹកដីថៃ៕
