- 2017-01-13 07:55:00
- បាល់ទាត់
Payet មិនព្រមហាត់ជាមួយ West Ham និងសុំក្លឹបចាកចេញ
- 2017-01-13 07:55:00
- ចំនួនមតិ 0 | ចំនួនចែករំលែក 0
Payet មិនព្រមហាត់ជាមួយ West Ham និងសុំក្លឹបចាកចេញ
ចន្លោះមិនឃើញ
លោក Slaven Bilic អ្នកចាត់ការទូទៅ West Ham បានបង្ហើបឲ្យដឹងថាកម្លាំងសំខាន់របស់ខ្លួន Dimitri Payet មិនចង់លេងជាមួយក្លឹបតទៅទៀតទេ។
ថ្លែងក្នុងសន្និសីទសារព័ត៌មានបុរសសញ្ជាតិក្រូអាតបានសំដែងការព្រួយបារម្ភ បន្ទាប់ពី Payet មានបំណងចង់ចាកចេញបើទោះជាក្លឹបមិនយល់ព្រមយ៉ាងណាដ៏ដោយ។ ប្រភពពី Guardian បានផ្សាយថាកីឡាករសញ្ជាតិបារាំងបានបដិសេធមិនទៅហ្វឹកហាត់ ថែមទាំងមិនព្រមលេងប្រកួតទល់នឹង Crystal Palace ក្នុងសប្ដាហ៍នេះផង។
ខ្សែបម្រើប្រយុទ្ធវ័យ២៩ឆ្នាំ ផ្ទេរមក West Ham តម្លៃ ១១លានផោន កាលពីឆ្នាំ២០១៥ ដោយចុះកុងត្រារយៈពេលវែងជាមួយក្លឹបដែលមានរហស្សនាមថាញញួរធំ។ បច្ចុប្បន្នមានក្លឹបមួយចំនួនចង់បានរូបគេយកទៅលេងដូចជា Chelsea, Arsenal និងក្លឹបនៃក្របខ័ណ្ឌចិន Chinese Super League៕