Ronaldo ឈ្នះពានកីឡាករល្អបំផុត ខណៈ Real ជាក្លឹបល្អបំផុតនៅ Globe Soccer Awards

2016-12-28 03:14:55
បាល់ទាត់

2016-12-28 03:14:55
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងកម្មវិធី ពានរង្វាន់បាល់ទាត់សកល ឬ Globe Soccer Awards ដែលរៀបចំឡើងនៅទីក្រុងឌុយបៃ ប្រទេសអារ៉ាប់រួមកាលពីយប់មិញ កីឡាករ និងបុគ្គលសំខាន់ៗក្នុងវិស័យបាល់ទាត់បានបង្ហាញមុខ និងទទួលពានរង្វាន់រៀងៗខ្លួនសម្រាប់ជោគជ័យរបស់ពួកគេក្នុងឆ្នាំ២០១៦។

Ronaldo និងលោក Perez

ក្នុងនោះជ័យលាភីកីឡាករល្អបំផុតប្រចាំឆ្នាំបានទៅលើ Cristiano Ronaldo បន្ទាប់ពីខ្សែប្រយុទ្ធឆ្នើមវ័យ៣១ឆ្នាំជួយ Real Madrid ឈ្នះ Champions League និងនាំព័រទុយហ្គាល់ឈ្នះពានទ្វីបអឺរ៉ុប។ យ៉ាងណាក៏ដោយម្ចាស់ពាន Ballon d'Or រូបនេះមិនបានទទួលពានដោយផ្ទាល់ទេ គឺបានត្រឹមផ្ញើវីដេអូថ្លែងអំណរគុណពីចម្ងាយប៉ុណ្ណោះ។

ក្លឹបដែលល្អផ្ដាច់គេបានទៅលើក្រុមយក្សអេស្ប៉ាញ Real Madrid ខណៈលោក Florentino Perez ឈ្នះពានប្រធានក្លឹបល្អប្រចាំឆ្នាំ។ ពានគ្រូបង្វឹកល្អបំផុតបានទៅលើលោក Fernando Santos បន្ទាប់ពីលោកដឹកនាំព័រទុយហ្គាល់ឈ្នះពានទ្វីបអឺរ៉ុប Euro ។

Clattenburg

អាជ្ញាកណ្ដាល Clattenburg ជនជាតិអង់គ្លេសឈ្នះពាន អាជ្ញាកណ្ដាលល្អប្រចាំឆ្នាំបន្ទាប់ពីលោកកាត់ក្ដីក្នុងប្រកួតធំៗ៣ នៅឆ្នាំ២០១៦ គឺវគ្គផ្ដាច់ព្រ័ត្រ Euro, UEFA Champions League និង FA Cup៕

ប្រភព៖ Dailymail ប្រែសម្រួល៖ វីរ័ត្ន