- 2016-09-23 16:34:12
- ព័ត៌មាន
ក្រុមខ្លាំងម៉ៃធីហ្គើល ប៉ះខេត្តស្វាយរៀង វគ្គផ្ដាច់ព្រ័ត្របាល់ទាត់នារី
- 2016-09-23 16:34:12
- ចំនួនមតិ 0 | ចំនួនចែករំលែក 0
ក្រុមខ្លាំងម៉ៃធីហ្គើល ប៉ះខេត្តស្វាយរៀង វគ្គផ្ដាច់ព្រ័ត្របាល់ទាត់នារី
ចន្លោះមិនឃើញ
ការប្រកួតពានរង្វាន់បាល់ទាត់នារី ប្រចាំឆ្នាំ២០១៦បានឈានដល់វគ្គផ្ដាច់ព្រ័ត្រហើយ ដោយក្រុមម៉ៃធីហ្គើលនឹងត្រូវប៉ះជាមួយក្រុម សសយក ខេត្តស្វាយរៀង នៅថ្ងៃទី២៤ខែកញ្ញាឆ្នាំ២០១៦នេះ នៅបាទី វេលាម៉ោង៣រសៀល។
ម៉ៃធីហ្គើល បានឈានដល់វគ្គផ្ដាច់ព្រ័ត្រនេះ ក្រោយយកឈ្នះក្រុមអង្គរអែហ្វស៊ីក្នុងលទ្ធផល ៤-០ ខណៈដែលក្រុម សសយក ខេត្តស្វាយរៀងវិញ ក៏មិនណយដែរ ព្រោះឈានដល់វគ្គនេះបន្ទាប់ពីឈ្នះក្រុមអង្គការសាន់រ៉ាយ ក្នុងខេត្តកំពង់ស្ពឺ ក្នុងលទ្ធផល ២-០។ ក្រៅពីប្រកួតយកជើងឯកហើយ ក៏មានការប្រកួតដណ្ដើមចំណាត់ថ្នាក់លេខ៣ដែរ ដោយក្រុមក្រុមអង្គរអែហ្វស៊ីរបស់ខេត្តសៀមរាប ត្រូវតតាំងជាមួយក្រុមអង្គការសាន់រ៉ាយ ក្នុងខេត្តកំពង់ស្ពឺ។
នេះជាលើកទី៦ហើយសម្រាប់ការប្រកួតបាល់ទាត់នារីរបស់កម្ពុជា ហើយប្រាក់រង្វាន់សម្រាប់ក្រុមដែលឈ្នះគឺ២លានរៀល។ ក្រុមដែលទទួលបានលេខ២ ទទួលបាន ១ ២០០ ០០០ រៀល លេខ៣បាន ៨០០ ០០០រៀល ។ ក្រុមដែល Fair Play បាន ៨០០ ០០០ រៀល និងកីឡាការិនីស៊ុតចូលច្រើនជាងគេបាន៤០០ ០០០ រៀល៕
អត្ថបទ៖ មុន្នី រម្យ រូបភាព៖ផ្ដល់ឱ្យ
