- 2016-08-08 18:13:16
- បាល់ទាត់
លទ្ធផលការប្រកួតកីឡាពានរង្វាន់ ស ខេង ព្រៃវែង ២០១៦
- 2016-08-08 18:13:16
- ចំនួនមតិ 0 | ចំនួនចែករំលែក 0
លទ្ធផលការប្រកួតកីឡាពានរង្វាន់ ស ខេង ព្រៃវែង ២០១៦
ចន្លោះមិនឃើញ
ការប្រកួតរយៈពេល១៥ថ្ងៃនៃព្រឹត្តិការណ៍កីឡាពានរង្វាន់ ស ខេងប្រចាំខេត្តព្រៃវែងឆ្នាំ២០១៦បានបញ្ចប់ហើយកាលពីម្សិលមិញដែលពិធីបិទចូលរួមជាអធិបតីដោយឯកឧត្តម ស សុខា និងអភិបាលខេត្តព្រៃវែងនៅកីឡដ្ឋានខេត្ត។
លទ្ធផលនៃការប្រកួតទាំង៣ប្រភេទ បាល់ទាត់៖ ក្រុមបាល់ទាត់ស្នងការដ្ឋាននគរបាលខេត្តព្រៃវែងទទួលចំណាត់ថ្នាក់លេខ១ បន្ទាប់ពីឈ្នះក្រុមលេខ២ស្រុកកំចាយមារក្នុងលទ្ធផល ១-០ នៅវគ្គផ្តាច់ព្រ័ត្រ និងចំណាត់ថ្នាក់លេខ៣បានក្រុមស្រុកពាមរក៍។
បាល់ទះ៖ ក្រុមលេខ១បានទៅស្រុកកញ្ជៀច និងលេខ២បានទៅលេខាធិការដ្ឋានសសយក ខេត្តព្រៃវែង ខណៈចំណាត់ថ្នាក់លេខ៣បានទៅក្រុមវិសាខា (ខ)។
សីប៉ាក់តាក្រ៖ ក្រុមសីប៉ាក់តាក្រលេខាធិការដ្ឋាន សសយក ខេត្តព្រៃវែងទទួលបានចំណាត់ថ្នាក់លេខ១ និងលេខ២បានក្រុមស្នងការដ្ឋាននគរបាលខេត្តព្រៃវែង ហើយចំណាត់ថ្នាក់លេខ៣ ក្រុងព្រៃវែង។
ក្នុងពិធីបិទកាលម្សិលមិញ ឯកឧត្តម ស សុខា បានបង្ហើបថា ក្រុមដែលទទួលបានចំណាត់ថ្នាក់លេខ១ ដល់លេខ៣ទាំង៣ប្រភេទកីឡាខាងលើ នឹងមានឈ្មោះចូលរួមប្រកួតពានរង្វាន់ ជា ស៊ីម៧មករា នៅខេត្តព្រៃវែងដោយស្វ័យប្រវត្តិ។
ការប្រកួតកីឡាពានរង្វាន់ ស ខេងដែលមាន៤ប្រភេទគឺបាល់ទាត់ បាល់ទះ សីប៉ាក់តាក្រ និងរត់ប្រណាំងលក្ខណៈគ្រួសារដែលប្រើពេលប្រកួត១៥ថ្ងៃពោលគឺចាប់ពីថ្ងៃទី២៤ កក្កដា បានធ្វើពិធីបិទជាផ្លូវការហើយកាលពីរសៀលថ្ងៃទី ៧ សីហា ២០១៦។ តាមការគ្រោងទុកព្រឹត្តិការណ៍កីឡានេះនឹងរៀបចំនៅឆ្នាំខាងមុខទៀត៕
អត្ថបទ៖ ស៊ុម សារិទ្ធ
