បើកការប្រកួតពានរង្វាន់ ស ខេង ខេត្តព្រៃវែង ២០១៦មាន៤ប្រភេទកីឡា

2016-07-26 16:57:16
បាល់ទាត់

2016-07-26 16:57:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកីឡាពានរង្វាន់ ស ខេង ខេត្តព្រៃវែង ឆ្នាំ២០១៦ បានចាប់ផ្តើមហើយកាលពីថ្ងៃទី ២៤ ខែកក្កដា ២០១៦ ទីលានកីឡដ្ឋានខេត្តព្រៃវែងក្រោមអធិបតីភាពឯកឧត្តម ជា សុមេធី អភិបាលខេត្តព្រៃវែង និងលោក ស សុខា តំណាងរាស្ត្រមណ្ឌលព្រៃវែង ដោយការប្រកួតចាប់ផ្តើមពីថ្ងៃទី ២៤ កក្កដា ដល់ថ្ងៃទី៦ សីហា ២០១៦។

មុនបើកពិធីការប្រកួតនេះ កាលពីរសៀលថ្ងៃទី ២០ កក្កដា ២០១៦ ក្រុមការងារសសយក ខេត្តព្រៃវែង សហការជាមួយមន្ទីរអប់រំ យុវជន និងកីឡាខេត្តព្រៃវែង បានធ្វើសន្និសីទសារព័ត៌មាន ពិភាក្សាប្រជុំបច្ចេកទេសជុំវិញការប្រកួត និងចាប់ឆ្នោត ដើម្បីបែងចែកក្រុមនៅតាមពូល ដោយក្នុងនោះប្រភេទកីឡាបាល់ទាត់មានក្រុមចូលរួម២៣ បាល់ទះ១៦ក្រុម សីប៉ាក់តាក្រ៨ក្រុម និងរត់ចម្ងាយលក្ខណៈបែបគ្រួសារ។

ចំពោះរូបមន្តនៃការប្រកួតគឺប្រកួតសន្សំពិន្ទុវិលជុំក្នុងពូល យកតែ២ក្រុមមានពិន្ទុខ្ពស់ជាងគេក្នុងពូលនីមួយៗ ទៅប្រកួតវគ្គជាបន្តបន្ទាប់រហូតដល់រកឃើញក្រុមជើងឯកប្រភេទកីឡានីមួយៗ។

លោក ស សុខា មានប្រសាសន៍ថា ឆ្នាំនេះក្រុមដែលបានចូលរួមមានការកើនឡើងទ្វេដងបើប្រៀបធៀបទៅនឹងឆ្នាំមុន នេះបញ្ជាក់ថា វិស័យកីឡាក្នុងខេត្តព្រៃវែងមានសកម្មភាពផុលផុស និងទទួលបានការចាប់អារម្មណ៍ច្រើនពីប្រជាពលរដ្ឋ ពិសេសស្រទាប់យុវជនទាំង១៣ក្រុងស្រុក។ លោកបន្ថែមទៀតថា សម្រាប់កម្មវិធីប្រកួតលើកក្រោយ គណៈកម្មការអាចនឹងរៀបចំធ្វើនៅតាមស្រុក ដើម្បីឲ្យប្រជាពលរដ្ឋនៃស្រុកទាំងនោះអាចមានមកទស្សនាកម្សាន្តបាន៕

ការបែងចែកពូល
បាល់ទាត់
ក	ខ	គ	ឃ	ង		ច
១.ស្រុកពារាំង ២.ស្រុកបាភ្នំ ៣.ស្រុកព្រះស្តេច ៤.ស្រុកកញ្ជៀច	១-ស្រុកស៊ីធរកណ្តាល ២-សេះស ៣-ស្រុកពោធិ៍រៀង ៤- សា.ជាស៊ីមកំចាយមារ	១. គរុកោសល្យព្រៃវែង ២.មន្ទីរអភិវឌ្ឍន៍ជនបទ ៣.ស្រុកស្វាយអន្ទរ ៤. ស្រុកកំចាយមារ	១. ឃុំត្នោតកញ្ជៀច ២. មនុស្សធម៌ ៣. នគរបាលខេត្ត ៤. សសយកព្រៃវែង		១. ក្រុងព្រៃវែង ២. ស្រុកមេសាង ៣. ស្រុកកំពង់ត្របែក ៤. សង្កាត់ជើងទឹក	១. ស្រុកពាមរក៍ ២. ខ្មែរ-ឥស្លាម ៣. ស្រុកពាមជរ

បាល់ទះបុរស
ក	ខ		គ	ឃ
១. ស្រុកពាមជរ	១. វិសាខា (ខ)		១. ស្រុកស៊ីធរកណ្តាល	១. ស្រុកពាមរក៍
២. ស្រុកព្រះស្តេច	២. សសយក ខេត្តព្រៃវែង		២. ស្រុកស្វាយអន្ទរ	២. មនុស្សធម៌
៣. ស្រុកបាភ្នំ	៣. ក្រុងព្រៃវែង		៣. គរុកោសល្យខេត្តព្រៃវែង	៣. នគរបាលខេត្ត
៤. ស្រុកកញ្ចៀច		៤. ស្រុកពោធិ៍រៀង	៤. មន្ទីរអភិវឌ្ឍន៍ជនបទ	៤. សសយក ព្រៃវែង

សីប៉ាក់តាក្របុរស
ក	ខ
១. វិទ្យាល័យព្រះអង្គឌួង	១. សសយក ខេត្តព្រៃវែង
២. ស្រុកកំចាយមារ	២. ស្រុកកញ្ជៀច
៣. យុវជនវីរៈការពារព្រំដែន	៣. ស្រុកស្វាយអន្ទរ
៤. ក្រុងព្រៃវែ	៤. ស្នងការនគរបាលខេត្ត