- 2016-07-18 23:30:54
- បាល់ទាត់
បើកការប្រកួតបាល់ទាត់ពានរង្វាន់ Classy Cup 2016 នៅបាត់ដំបង
- 2016-07-18 23:30:54
- ចំនួនមតិ 0 | ចំនួនចែករំលែក 0
បើកការប្រកួតបាល់ទាត់ពានរង្វាន់ Classy Cup 2016 នៅបាត់ដំបង
ចន្លោះមិនឃើញ
ការប្រកួតបាល់ទាត់ពានរង្វាន់បាល់ទាត់មិនអាជីព Classy Cup 2016 នៅខេត្តបាត់ដំបង បានដំណើរការប្រកួតចាប់ពីល្ងាចថ្ងៃទី១៨ ខែកក្កដានេះ ដល់ថ្ងៃទី១០ ខែកញ្ញា ឆ្នាំ២០១៦។
លោក ជឿន សុភី អ្នករៀបចំកម្មវិធីប្រកួតខាងលើបានឲ្យដឹងថា ពានរង្វាន់ Classy Cup 2016 ទទួលបានឧបត្ថម្ភដោយសណ្ឋាគារ Classy និងសហការរៀបចំដោយមជ្ឈមណ្ឌលបាល់ទាត់កូននាគបាត់ដំបង។ គោលបំណងដែលបង្កើតកម្មវិធីនេះឡើង ដើម្បីបង្កើនមិត្តភាព សុខភាព និងចូលរួមជួយអភិវឌ្ឍ វិស័យបាល់ទាត់នៅខេត្តបាត់ដំបង ឲ្យកាន់តែមានការរីកចំរើនថែមទៀត។
លោកបន្ថែមថា កម្មវិធីនេះមាន៣២ ក្រុមចូលរូមប្រកួតប្រជែង ដែលក្រុមនីមួយៗត្រូវបង់ថ្លៃចូលរួមចំនួន ៣០ដុល្លារអាមេរិក។ សម្រាប់ចំណាត់ថ្នាក់លេខ១ នឹងទទួលបានពាន១ មេដាយមាស និងប្រាក់រង្វាន់ ៥០០ដុល្លារអាមេរិក។ ចំណាត់ថ្នាក់លេខ២ ទទួលបានមេដាយប្រាក់១ គ្រឿង និងទឹកប្រាក់៣០០ដុល្លារអាមេរិក។ ស្របពេលចំណាត់ថ្នាក់លេខ៣ ទទួលបានមេដាយសំរឹទ្ធ១ និងប្រាក់ ២០០ដុល្លារអាមេរិក។ ក្រុមលេង Fair play អ្នកចាំទីល្អ កីឡាករទាត់បាល់ចូលទីច្រើនជាងគេ និងកីឡាករលេងល្អជាងគេ នឹងមានរង្វាន់លើកទឹកចិត្តផងដែរ៕
អត្ថបទ៖ នួន ស៊ីណា រូបថត៖ ផ្ដល់ឲ្យ
