- 2016-07-11 17:14:14
- បាល់ទាត់
Griezmann ថា Ronaldo នឹងឈ្នះពាន Ballon D'Or
- 2016-07-11 17:14:14
- ចំនួនមតិ 0 | ចំនួនចែករំលែក 0
Griezmann ថា Ronaldo នឹងឈ្នះពាន Ballon D'Or
ចន្លោះមិនឃើញ
Antoine Griezmann តារាឆ្នើមក្រុមជម្រើសជាតិបារាំង បានលើកឡើងថា ពានរង្វាន់កីឡាករល្អបំផុតលើលោក Ballon d’Or នឹងបានទៅលើ Cristiano Ronaldo បន្ទាប់ពីប្រធានក្រុមព័រទុយហ្គាល់រូបនេះ ឈ្នះពាន Euro 2016 កាលពីយប់មិញ រីឯរូបគេនិងកីឡាករដទៃទៀត អស់ឱកាសប្រជែងជាមួយហើយ។
Antoine Griezmann តារាឆ្នើមក្រុមជម្រើសជាតិបារាំង
ខ្សែបម្រើប្រយុទ្ធក្រុម Atletico Madrid រូបនេះ ជាកីឡាករម្នាក់ដែលលេចធ្លោបំផុតនៅ Euro 2016 ដោយក្លាយជាកីឡាករស៊ុតបានច្រើនគ្រាប់ជាងគេ ៦គ្រាប់ ខណៈដែលឆ្នាំនេះ ក៏មានមតិជាច្រើនយល់ថា Griezmann, Lionel Messi របស់ក្រុម FC Barcelona និង Ronaldo របស់ក្រុម Real Madrid នឹងក្លាយជាបេក្ខភាព៣នាក់ចុងក្រោយ ប្រជែងពាន Ballon d’Or ដ៏ស្វិតស្វាញ។
ផ្ទុយទៅវិញ បន្ទាប់ពីព័រទុយហ្គាល់ ឈ្នះបារាំងលើកពាន Euro 2016 យប់មិញ កីឡាករវ័យ២៥ឆ្នាំ (Griezmann) យល់ថាឱកាសឈ្នះ Ballon d’Or របស់ខ្លួនត្រូវបានបញ្ចប់ហើយ។ កីឡាកររូបនេះនិយាយថា៖ "សម្រាប់ពានរង្វាន់ Ballon D'Or វាបានបញ្ចប់ហើយ។ Ronaldo ឈ្នះពានរង្វាន់ធំៗពីរ (UEFA Champions League, UEFA Euro 2016) រដូវកាលនេះ”៕
ប្រែសម្រួល៖ វិន ជីវ័ន្ត ប្រភព៖ Goal