- 2016-07-10 16:47:40
- បាល់ទាត់
Ferdinand៖ "ទោះ Ronaldo ឈ្នះពាន Euro 2016 ក៏នៅតែមិនលើ Messi ប៉ុន្តែ..."
- 2016-07-10 16:47:40
- ចំនួនមតិ 0 | ចំនួនចែករំលែក 0
Ferdinand៖ "ទោះ Ronaldo ឈ្នះពាន Euro 2016 ក៏នៅតែមិនលើ Messi ប៉ុន្តែ..."
ចន្លោះមិនឃើញ
Rio Ferdinand អតីតខ្សែការពារក្រុម Manchester United បានលើកឡើងថា ទោះបី Cristiano Ronaldo ឈ្នះពាន Euro 2016 ជាមួយក្រុមជម្រើសជាតិព័រទុយហ្គាល់នៅយប់នេះ ក៏មិនអាចនិយាយបានថា ជាកីឡាករល្អបំផុតលើលោក លើ Lionel Messi ដែរ ប៉ុន្តែវាជាជោគជ័យដ៏ធេងបំផុតសម្រាប់រូបគេ។
Rio Ferdinand អតីតខ្សែការពារក្រុម Manchester United
Lionel Messi របស់ក្លឹប FC Barcelona មិនដែលឈ្នះពានធំៗជាមួយជម្រើសជាតិអាហ្សង់ទីនទេ ដោយឡើងផ្ដាច់ព្រ័ត្រ៤ដង ចាញ់ទាំង៤ដង និងចាញ់ Copa America 2016 កាលខែមុន ក៏បានប្រកាសចូលនិវត្តន៍ថែមទៀត។ រីឯ Ronaldo របស់ក្លឹប Real Madrid វិញ ក៏មិនដែលឈ្នះពានអ្វីជាមួយក្រុមព័រទុយហ្គាល់ដែរ ដោយធ្លាប់លើកផ្ដាច់ព្រ័ត្រ Euro 2004 ម្ដង តែចាញ់ដូចគ្នា។
Lionel Messi កាលចាញ់ Copa America 2016
យ៉ាងណាមិញ សម្រាប់ផ្ដាច់ព្រ័ត្រ Euro 2016 រវាងព័រទុយហ្គាល់ ទល់នឹងម្ចាស់ផ្ទះបារាំងនៅយប់នេះ ធ្វើឲ្យមានមតិខ្លះជឿថា នេះជាឱកាសរបស់ CR7 ដែលនឹងត្រូវបានគេយល់ឃើញថា ជាកីឡាករកំពូលលើលោក លើ Messi បើអាចជួយព័រទុយហ្គាល់ លើកពាន Euro 2016 យប់នេះបាន។ ប៉ុន្តែសម្រាប់ Ferdinand ដែលជាអតីតមិត្តរួមក្រុមរបស់ Ronaldo កាលនៅក្រុមបិសាចក្រហម មិនយល់ឃើញដូចនោះទេ។
“បើ Ronaldo ឈ្នះពាន Euro 2016...វាជាជោគជ័យដ៏ធំបំផុតសម្រាប់គាត់។ ខ្ញុំគិតថា វាមិនជួយឲ្យគាត់លើ Messi ក្នុងការប្រជែងគ្នាថានរណាស័ក្ដិសមជាកីឡាករល្អបំផុតលើលោកនោះទេ ប៉ុន្តែជាសមិទ្ធផលដ៏ធំធេងសម្រាប់រូបគាត់”។ Ferdinand វ័យ៣៧ឆ្នាំ បានលើកឡើង៕
ប្រែសម្រួល៖ វិន ជីវ័ន្ត ប្រភព៖ bbc