- 2016-07-06 18:36:48
- បាល់ទាត់
គីរីវង់កំពុងត្រៀមខ្លួនយ៉ាងល្អ ដណ្ដើមតំណែងលេងលីគកម្ពុជាទី២
- 2016-07-06 18:36:48
- ចំនួនមតិ 0 | ចំនួនចែករំលែក 0
គីរីវង់កំពុងត្រៀមខ្លួនយ៉ាងល្អ ដណ្ដើមតំណែងលេងលីគកម្ពុជាទី២
ចន្លោះមិនឃើញ
លោក ឌុក វាសនា អគ្គលេខាធិការក្លឹបបាល់ទាត់គីរីវង់សុខសែនជ័យ បានលើកឡើងកាលពីពេលកន្លងទៅថា ក្លឹបបាល់ទាត់របស់លោកកំពុងត្រៀមខ្លួនបានយ៉ាងល្អ ដើម្បីប្រកួតជម្រុះជាមួយក្រុមបាល់ទាត់ផ្សេងទៀត ក្នុងការចូលរួមលេងលីគលំដាប់ទី២ របស់កម្ពុជា នារដូវកាលក្រោយឆ្នាំ២០១៧។
បន្ទាប់ពីត្រៀមខ្លួនបានយ៉ាងល្អអស់រយៈពេលមួយឆ្នាំ និងជ័យជម្នះទៅលើក្រុមយុវជនរបស់ក្លឹបធំៗ មួយចំនួនក្នុងលីគអាជីពកម្ពុជាលោក ឌុក វាសនា បានបញ្ជាក់យ៉ាងច្បាស់ថា ៖ « ខ្ញុំសង្ឃឹមថា ក្រុមយុវជនរបស់ខ្ញុំ ដែលមានសុទ្ធតែកីឡាករវ័យក្មេងមានទេពកោសល្យល្អនេះ អាចចូលលេងក្នុងលីគលំដាប់ទី២ នៅរដូវកាលក្រោយបាន។ ពេលនេះក្រុមយើងកំពុងត្រៀមប្រកួតជម្រុះជាមួយក្រុមផ្សេងទៀត ដើម្បីបានសិទ្ធិចូលលេង ក្នុងលីគលំដាប់ទី២ របស់កម្ពុជា»។
អគ្គលេខាធិការរូបនេះបានបន្ថែមថា កីឡាករថ្នាលយុវជនរបស់លោកកំពុងបង្ហាញទម្រង់លេងល្អបំផុត។ បន្ទាប់ពីបានប្រកួតមិត្តភាពឈ្នះថ្នាលយុវជនមកពីក្លឹបផ្សេងៗ ជាហូរហែ និយាយជារួមក្រុមមិនដែលចាញ់សោះ។
៣ប្រកួតចុងក្រោយកន្លងមកថ្នាលយុវជនគីរីវង់សុខសែនជ័យឈ្នះក្រុម ABA ៦-០ បន្តឈ្នះថ្នាលយុវជនក្រសួងការពារជាតិ ១-០ និងចុងក្រោយបំផុតឈ្នះ ១-០ទៅលើក្រុមមកពីដូនពេញ៕
អត្ថបទ៖ ជិន វេន
