- 2016-07-05 17:09:00
- បាល់ទាត់
Bale ថា វែល ប៉ះ ព័រទុយហ្គាល់ នៅអឺរ៉ូ មិនមែនរូបគេនិង Ronaldo
- 2016-07-05 17:09:00
- ចំនួនមតិ 0 | ចំនួនចែករំលែក 0
Bale ថា វែល ប៉ះ ព័រទុយហ្គាល់ នៅអឺរ៉ូ មិនមែនរូបគេនិង Ronaldo
ចន្លោះមិនឃើញ
Gareth Bale បានបដិសេធកុំឲ្យសាធារណជនចាប់អារម្មណ៍ជំនួបនៅអឺរ៉ូ រវាងវែល និងព័រទុយហ្គាល់ ថាជាការប៉ះគ្នារវាងរូបគេជាមួយមិត្តរួមក្រុម Christiano Ronaldo។
វែលដែលទើបឡើងវគ្គពាក់កណ្ដាលផ្ដាច់ព្រ័ត្រអឺរ៉ូលើកដំបូងនឹងត្រូវតទល់ជាមួយក្រុមជម្រើសជាតិព័រទុយហ្គាល់ ហើយការប៉ះគ្នាមួយគូនេះត្រូវបណ្ដាញសារព័ត៌មានធ្វើការអារម្មណ៍ខ្លាំងលើកីឡាករឆ្នើម Real Madrid ២រូបគឺ Gareth Bale និង Ronaldo។
យ៉ាងណាក៏ដោយខ្សែបម្រើប្រយុទ្ធជំនាញជើងឆ្វេងបាននិយាយពាក់ព័ន្ធនឹងរឿងរ៉ាវខាងលើថា៖ "ការប្រកួតជាមួយព័រទុយហ្គាល់មិនមែនរវាងកីឡាករ ២នាក់នោះទេ វាគឺជាការប្រកួតរវាងប្រទេស២ នៅវគ្គពាក់កណ្ដាលផ្ដាច់ព្រ័ត្រ ជាការប៉ះគ្នារវាងកីឡាករ១១នាក់ នឹង១១នាក់។ គ្រប់គ្នាសុទ្ធតែបានដឹងរឿងនេះ”។
Bale បានក្លាយជាកីឡាករថ្លៃបំផុតក្នុងលោកពេលផ្ទេរពី Spurs ទៅ Real Madrid តម្លៃ៨៥លានផោន បំបែកកំណត់ត្រាការផ្ទេររបស់ Ronaldo ពី Man Utd ទៅ Real Madrid ក្នុងតម្លៃ៨០លានផោន។ កីឡាករទាំង២ រួមនឹងខ្សែប្រយុទ្ធ Karim Benzema គឺជាកម្លាំងសំខាន់ដែលជួប Real ឈ្នះ Champions League ២ដង ត្រឹម៣រដូវកាលប៉ុណ្ណោះ៕
ប្រែសម្រួល៖ វីរ៉ុត ប្រភព៖ BBC
