Ferdinand ត្រូវពិន័យបីប្រកួត និងលុយជិត៤ម៉ឺនដុល្លារ ដោយសារ Twitter

2014-10-30 16:58:19
បាល់ទាត់

2014-10-30 16:58:19
ចំនួនមតិ 0 | ចំនួនចែករំលែក 0

ចន្លោះមិនឃើញ

Rio Ferdinand ត្រូវរងការពិន័យមិនឲ្យចូលលេង៣ប្រកួត និងទឹកប្រាក់ ២៥០០០ផោន ឬប្រហែល៣៩៩២៩ដុល្លារ កាលពីថ្ងៃពុធម្សិលមិញ ក្រោយមិនបានឆ្លើយតបទៅនឹងការចោទប្រកាន់របស់សហព័ន្ធបាល់ទាត់អង់គ្លេស (FA) ទាក់ទងនឹងការប្រើពាក្យសម្ដីមិនសមរម្យតាមរយៈបណ្ដាញសង្គម Twitter។

អតីតខ្សែការពាររបស់ក្លិបបិសាចក្រហម Manchester United ដែលកំពុងលេងនៅ Queens Park Rangers រូបនេះ បានសរសេរក្នុង Twitter របស់ខ្លួន ដោយមានប្រើពាក្យ 'Sket' ក្នុងន័យជេរប្រមាថម្ដាយរបស់មនុស្សម្នាក់។ 'Sket' គឺជាពាក្យរបស់ Carribean ដែលមានន័យថាស្រីពេស្យា ឬស្រីមិនល្អ។ ក្រោយសរសេរពាក្យមួយឃ្លានោះមក ក៏មានសាធារណជនជាច្រើន បានសរសេរពាក្យបណ្ដឹងទៅកាន់ FA ផងដែរ។

សេចក្ដីថ្លែងការក្នុងគេហទំព័រផ្លូវការរបស់ FA បានបញ្ជាក់ថា៖ "ខ្សែការពារក្លិប Queens Park Rangers, Rio Ferdinand ត្រូវបានហាមប្រាមមិនឲ្យចូលទីលានបីប្រកួត។ បម្រាមនេះចូលជាធរមានពីឥលូវទៅ ប៉ុន្តែនៅបើកឲ្យប្តឹងឧទ្ធរណ៍បាន។ FA បានរកឃើញថា Ferdinand បានផូសក្នុង Twitter ដោយសរសេរក្នុងន័យជេរប្រទេច ដែលខុសនឹងច្បាប់របស់ FA ត្រង់ចំណុច E3 (2)។ Ferdinand ក៏នឹងត្រូវពិន័យជាប្រាក់ ២៥០០០ផោន"។

កាលពី២ឆ្នាំមុន កីឡាករវ័យ៣៥ឆ្នាំនេះក៏ត្រូវបានពិន័យក្នុងរឿងស្រដៀងគ្នានេះដែរ ពោលគឺប្រើពាក្យមិនសមស្របតាម Twitter សម្ដៅទៅកាន់ Ashley Cole។

ចុចអាន៖ សង្សារក្មេង លួចបង្ហោះវីដេអូ Maradona វ៉ៃ

ប្រែសម្រួល៖ អូន សៅណាត

ប្រភព៖ dailymail