- 2016-06-20 16:51:43
- ព័ត៌មាន
ក្រសួងមហាផ្ទៃលើកពាន Leo Cup 2016 Division A ម្សិលមិញ
- 2016-06-20 16:51:43
- ចំនួនមតិ 0 | ចំនួនចែករំលែក 0
ក្រសួងមហាផ្ទៃលើកពាន Leo Cup 2016 Division A ម្សិលមិញ
ចន្លោះមិនឃើញ
ក្រុមក្រសួងមហាផ្ទៃបានក្លាយជាម្ចាស់ជើងឯកពានរង្វាន់បាល់ទះ Leo Cup ក្របខណ្ឌ A កាលពីល្ងាចម្សិលមិញ នៅបរិវេណពហុកីឡដ្ឋានជាតិ បន្ទាប់ពីយកឈ្នះក្រុមសាលាខេត្តកំពង់ចាម ៣-២នាវគ្គផ្ដាច់ព្រ័ត្រ។
ការប្រកួតរវាងក្រសួងមហាផ្ទៃ និងសាលាខេត្តកំពង់ចាម បានអូសបន្លាយរហូតដល់ទៅ ៥សិត។ ចាប់ផ្ដើមពីរសិតដំបូង ក្រុមសាលាខេត្តកំពង់ចាមបានលត់២-០ មុនគឺ (២៦-២៤ និង ២៥-១៦) ប៉ុន្តែក្រោយមកក្រុមក្រសួងមហាផ្ទៃបានយកឈ្នះ ៣សិតជាប់គ្នាវិញដោយពិន្ទុ (២៥-១៩, ២៥-១៩ និង ១៥-១៣) ដើម្បីលើកពានតែម្ដង។
ចំណែកចំណាត់ថ្នាក់លេខ ៣វិញបានទៅលើក្រុមកងពលធំអន្តរាគមន៍លេខ ៣ដោយស្វ័យប្រវត្តិ ពីព្រោះក្រុមបាល់ទះវិសាខាជាគូប្រជែងសុំដកខ្លួន។
សម្រាប់ប្រាក់រង្វាន់ក្រុមឈ្នះជើងឯកទទួលបាន ៤០លានរៀល ជើងឯករងទទួលបាន ១២លានរៀល និងក្រុមចំណាត់ថ្នាក់លេខ ៣ទទួលបានប្រាក់ ៨លានរៀល។
ក្រុមសាលាខេត្តកំពង់ចាម
អត្ថបទ៖ ស្រី សុវណ្ណដារ៉ា
