- 2016-06-19 16:37:13
- បាល់ទះ
ក្រសួងមហាផ្ទៃ ប៉ះសាលាខេត្តកំពង់ចាម ដណ្ដើមជើងឯក Leo Cup
- 2016-06-19 16:37:13
- ចំនួនមតិ 0 | ចំនួនចែករំលែក 0
ក្រសួងមហាផ្ទៃ ប៉ះសាលាខេត្តកំពង់ចាម ដណ្ដើមជើងឯក Leo Cup
ចន្លោះមិនឃើញ
ការប្រកួតពានរង្វាន់បាល់ទះ Leo Cup 2016 Division A បានឈានដល់វគ្គផ្ដាច់ព្រ័ត្រហើយ ដោយក្រុមក្រសួងមហាផ្ទៃត្រូវប៉ះជាមួយក្រុមសាលាខេត្តកំពង់ចាម ដណ្ដើមយកលេខមួយ និងក្រុមកងពលធំអន្តរាគមន៍លេខ៣ ប៉ះវិសាខា ដណ្ដើមយកលេខ៣។
នៅវគ្គពាក់កណ្ដាលផ្ដាច់ព្រ័ត្រ ក្រុមក្រសួងមហាផ្ទៃបានបំបាក់ក្រុម កងពលធំអន្តរាគមន៍លេខ៣ដោយលទ្ធផល ៣-០ ដើម្បីកក់កៅអីឡើងមកវគ្គផ្ដាច់ព្រ័ត្រនៅល្ងាចនេះមុនគេ ខណៈដែលមួយគូទៀតក្រុមសាលាខេត្តកំពង់ចាម ក៏បានយកឈ្នះក្រុមវិសាខា ដោយលទ្ធផល ៣-1 ដើម្បីបានកៅអីឡើងមកជួបក្រុមក្រសួងមហាផ្ទៃដែរ។
ចំពោះការប្រកួតវគ្គផ្ដាច់ព្រ័ត្រនេះទៀតសោត គឺក្រុមដណ្ដើមយកលេខ៣ កងពលធំអន្តរាគមន៍លេខ៣ ប៉ះវិសាខា នៅម៉ោង៣រសៀល ខណៈដែលក្រុមដណ្ដើមយកជើងឯកក្រសួងមហាផ្ទៃត្រូវប៉ះជាមួយក្រុមសាលាខេត្តកំពង់ចាម នឹងចាប់ផ្ដើមនៅម៉ោង៤:៣០នាទី។
ខាងក្រោមនេះជារូបភាពការប្រកួតវគ្គពាក់កណ្ដាលផ្ដាច់ព្រ័ត្រកាលពីម្សិលមិញ៖
អត្ថបទ៖ មុន្នី រម្យ
