មូលហេតុពិត ដែល Ronaldo កោរសក់២ឆ្នូត កាលប្រកួតស្មើអ៊ីស្លង់

2016-06-16 18:12:55
បាល់ទាត់

2016-06-16 18:12:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo តារាឆ្នើមក្រុមជម្រើសជាតិព័រទុយហ្គាល់ បានធ្វើឲ្យអ្នកស្នេហាវិស័យបាល់ទាត់ជុំវិញពិភពលោកចាប់អារម្មណ៍ និងមានចម្ងល់យ៉ាងខ្លាំង ចំពោះស្ទីលម៉ូដសក់កោរ២ឆ្នូតនៅខាងក្រោយរបស់គេ អំឡុងការប្រកួត Euro 2016 ដែលព័រទុយហ្គាល់ បញ្ចប់លទ្ធផលត្រឹមស្មើ ១-១ ទល់នឹងអ៊ីស្លង់ កាលពីយប់ថ្ងៃអង្គារ។

Cristiano Ronaldo លេងម៉ូដសក់ កោរ២ឆ្នូត

យ៉ាងណាក្ដី មូលហេតុពិត ដែលកីឡាករក្រុម Real Madrid កោរសក់២ឆ្នូតដូចនោះ ត្រូវបានគេទម្លាយហើយ។ បើតាមសារព័ត៌មានអេស្ប៉ាញ Telecinco បានឲ្យដឹងថា Ronaldo កោរសក់២ឆ្នូតនេះ គឺដើម្បីគាំទ្រដល់កុមារម្នាក់ដែលឈឺ។

សេចក្ដីរាយការណ៍ដដែល បន្ថែមថា Ronaldo ធ្លាប់រ៉ាប់រងថ្លៃចំណាយថ្នាំពេទ្យទាំងអស់ ជួយដល់ក្មេងប្រុសម្នាក់ ដែលមានជំងឺមហារីក នៅប្រទេសព័រទុយហ្គាល់។ អំឡុងពេលព្យាបាល ក្មេងប្រុសម្នាក់នោះ មានស្លាកស្នាមធំៗពីរ។ ដូច្នេះទើប កីឡាករវ័យ៣១ឆ្នាំ CR7 កោរសក់២ឆ្នូត ដើម្បីជួយលើកទឹកចិត្ត និងផ្ដល់កម្លាំងចិត្តដល់កុមារារូបនោះ ឲ្យឆាប់ជាសះស្បើយឡើងវិញ៕

ប្រែសម្រួល៖ វិន ជីវ័ន្ត ប្រភព៖ 101GreatGoals