- 2014-10-28 17:06:21
- ព័ត៌មាន
ឡៃ សុធា៖ «មិនគិតចាញ់-ឈ្នះជាចម្បង សំខាន់គឺការអភិវឌ្ឍ»
- 2014-10-28 17:06:21
- ចំនួនមតិ 0 | ចំនួនចែករំលែក 0
ឡៃ សុធា៖ «មិនគិតចាញ់-ឈ្នះជាចម្បង សំខាន់គឺការអភិវឌ្ឍ»
ចន្លោះមិនឃើញ
លោក ឡៃ សុធា អ្នកចាត់ការទូទៅរបស់ក្លិបបាល់ទាត់វេស្ទើនយូនីអែហ្វស៊ី បានលើកឡើងថា លោកមិនដែលគិតលើការចាញ់ឈ្នះជាចម្បងសម្រាប់ក្រុមនោះទេ ប៉ុន្តែនៅដំណាក់កាលនេះសំខាន់គឺការអភិវឌ្ឍ និងបណ្ដុះបណ្ដាលធនធានកីឡាករថ្មីៗ ឲ្យមានការរីកចម្រើន។
អ្នកចាត់ការខាងលើបានបន្ថែមថា៖ «បើតាមខ្ញុំចុះទៅសង្កេតមើលមួយរយៈនេះ...ខ្ញុំឃើញថា...អ៊ើ...ក្មេងៗគេមានការរីកចម្រើនច្រើនជាងមុន ហើយពួកគេមានសន្ទុះទឹកចិត្តខ្លាំងជាងមុន»។ លោកបន្តថា នេះក៏ដោយសារតែក្លិបរបស់លោកបានបង្ហាញពីគម្រោងអភិវឌ្ឍច្បាស់លាស់ តាមរយៈការធ្វើស្តាតផ្ទាល់ខ្លួន និងការផ្ដល់ប្រាក់បៀវត្សដល់កីឡាករច្រើនជាងមុន។
លោក ឡៃ សុធា ឆ្វេង
ងាកទៅមើលការប្រកួតកីឡាបណ្ដាសាកលវិទ្យាល័យអាស៊ានវិញ នេះជាឆ្នាំដំបូងហើយដែលវេស្ទើននឹងបញ្ជូនក្រុមកីឡារបស់ខ្លួនទៅចូលរួមលើវិញ្ញាសាចំនួនពីរគឺបាល់ទាត់ និងតេក្វាន់ដូ។ សម្រាប់វិញ្ញាសាបាល់ទាត់ក្រុមមួយនេះនឹងប្រើធនធានកីឡាករក្នុងស្រុកទាំងអស់ ដើម្បីឲ្យការប្រកួតឈ្នះ‑ចាញ់ដោយល្អមើល។ ដោយឡែក កីឡាតេក្វាន់ដូ នឹងបញ្ជូនកីឡាករទៅចំនួនបីរូប។
ការប្រកួតកីឡាសាកលវិទ្យាល័យអាស៊ានលើកនេះគឺជាការរៀបចំលើកទី១៧ ដែលនឹងប្រារព្ធធ្វើនៅភាគខាងត្បូងកោះស៊ូម៉ាត្រា ប្រទេសឥណ្ឌូណេស៊ី ដែលរួមមានដូចជា ហែលទឹក រត់ប្រណាំង វាយសី បាល់ទាត់ បាល់ទះ បាល់បោះ តេក្វាន់ដូ ប៉េតង់ អុក និងកីឡាជាច្រើនប្រភេទទៀត។ ការប្រកួតនឹងចាប់ផ្ដើមនៅដើមខែធ្នូ ចុងឆ្នាំ២០១៤នេះ ហើយក៏មានសាកលវិទ្យាល័យរបស់កម្ពុជាជាច្រើនទៀតនឹងបញ្ជូនក្រុមអត្តពលិករបស់ខ្លួនទៅចូលរួម។
ប្រភេទកីឡាក្នុងការប្រកួតបណ្ដាសាកលវិទ្យាល័យអាស៊ាន
ព័ត៌មានកីឡាច្រើនទៀត សូមចុច...
ព័ត៌មានកីឡាបាល់ទាត់ច្រើនទៀត សូមចុច...
អត្ថបទ៖ អៀង សូទ្រី