គ្រូ Cam-Tiger ព្យាករថា ៣ក្រុមអាចលើកពានពីររបស់កម្ពុជារដូវកាលនេះ

2016-05-06 16:02:30
បាល់ទាត់

2016-05-06 16:02:30
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហុក សុជីវ័ន្ត គ្រូបង្វឹកក្លឹបបាល់ទាត់ Cambodian Tiger ជឿជាក់ថា រដូវកាលនេះនឹងអាចមានក្លឹប ៣គឺ ក្រសួងការពារជាតិ (ទ័ព) ព្រះខ័នរាជស្វាយរៀង និងបឹងកេតអង្គរ ដែលអាចលើកពានទាំងពីររបស់កម្ពុជាគឺលីគកំពូល និង Hun Sen Cup។

លោក ហុក សុជីវ័ន្ត បានឲ្យដឹងថា ក្លឹបខ្លាំងៗក្នុងលីគកំពូលកម្ពុជា មិនទាន់ប្រាកដទាំងស្រុងថា ក្រុមណាមួយ នឹងឈ្នះគ្រប់ការប្រកួតនោះទេ ប៉ុន្តែនារដូវកាលនេះមានក្លឹបខ្លាំងចំនួន ៣គឺ ក្រសួងការពារជាតិ( ទ័ព) ព្រះខ័នរាជស្វាយរៀង និងបឹងកេត ដែលលោកគិតថា នឹងអាចលើកពានទាំង Hun Sen Cup និងលីគកំពូលកម្ពុជា។

អតីតគ្រូបង្វឹកក្រុមជម្រើសជាតិកម្ពុជាក្រោមអាយុ ១៩ឆ្នាំរូបនេះបន្ថែមថា ក្រៅពីក្លឹបចំនួន ៣ខាងលើ ណាហ្គាវើលជាក្លឹបខ្លាំងផងដែរ ដែលអាច នឹងលើកពាន Hun Sen Cup រដូវកាលនេះ។ ចំណែកក្លឹប Cam-Tiger វិញលោកមិនរំពឹងថា នឹងអាចលើកពានធំៗ របស់កម្ពុជាទាំងពីរនេះឡើយ។

ក្នុងតារាងលីគកំពូលកម្ពុជា ទ័ព ឈរលេខ ១មាន ១៥ពិន្ទុ បឹងកេតឈរលេខ ២មាន ១៥ពិន្ទុ និងព្រះខ័នរាជស្វាយរៀងឈរលេខ ៣មាន ១៣ពិន្ទុ។ ចំពោះក្រុម Cambodian Tiger ឈរនៅលេខ ២ក្នុងតារាងពូល B នៃពាន Hun Sen Cup មាន៧ពិន្ទុស្មើក្រុមលេខ ៣កំពង់ឆ្នាំង និងកំពុងឈរនៅលេខ ៦ក្នុងតារាងលីគកំពូលកម្ពុជាឆ្លងកាត់៦ប្រកួតរកបាន៦ពិន្ទុ៕

-ចុះប្រិយមិត្តវិញគិតថា ការលើកឡើងរបស់លោក ហុក សុជីវ័ន្ត យ៉ាងណាដែរ?

អត្ថបទ៖ ស្រី សុវណ្ណដារ៉ា