- 2016-04-08 23:20:24
- បាល់ទាត់
ទុំ សារ៉ាយ ឡើងជាគ្រូខ្សែប្រយុទ្ធរបស់ក្រុម KMH All Stars ត្រៀមប៉ះជម្រើសជាតិ
- 2016-04-08 23:20:24
- ចំនួនមតិ 0 | ចំនួនចែករំលែក 0
ទុំ សារ៉ាយ ឡើងជាគ្រូខ្សែប្រយុទ្ធរបស់ក្រុម KMH All Stars ត្រៀមប៉ះជម្រើសជាតិ
ចន្លោះមិនឃើញ
កីឡាករ ទុំ សារ៉ាយ នឹងធ្វើជាគ្រូបង្វឹកខ្សែប្រយុទ្ធរបស់ក្រុម KMH All Stars ដើម្បីត្រៀមខ្លួនធ្វើការប្រកួតមិត្តភាពសប្បុរសធម៌មួយជាមួយក្រុមជម្រើសជាតិកម្ពុជានៅពាក់កណ្ដាលខែក្រោយនេះ (មិនទាន់ដឹងច្បាស់ថាជម្រើសជាតិឈុតធំ ឬ U23) ។
ក្រុម KMH All Stars (កីឡាករលេងនៅពាន KMH Champions League) កំពុងធ្វើការហ្វឹកហាត់នៅទីលាន KMH ដើម្បីត្រៀមខ្លួននិងពង្រឹងសមត្ថភាពដើម្បីលេងជាមួយក្រុមជម្រើសជាតិកម្ពុជានៅពាក់កណ្ដាលខែខាងមុខនេះ។ ដើម្បីជាការអភិវឌ្ឍខ្លួន ក្រុមមួយនេះក៏បានអញ្ជើញកីឡាករជើងចាស់មួយចំនួនមកធ្វើជាគ្រូបង្វឹកពួកគេដែរ រួមមានទុំ សារ៉ាយ អ៊ុំ ថាវរៈ សុខ រិទ្ធី និងសំរិទ្ធ សីហា ជាដើម។
ការដែលស្វែងរកជើងខ្លាំងចាស់ៗមកបង្ហាត់កីឡាករមិនអាជីពទាំងនេះ ត្រូវបានលោក សៀក សុវណ្ណ អ្នកសម្របសម្រួលការប្រកួតបញ្ជាក់ឱ្យដឹងថា នេះជាវិធីតែមួយគត់ដើម្បីឱ្យកីឡាករដែលមិនអាជីពទាំងអស់ ស្វែងយល់ពីបច្ចេកទេសលេងឱ្យបានត្រឹមត្រូវ ចៀសវៀងបង្កកំហុស ឬរបួសស្នាមដល់កីឡាករជម្រើសជាតិដទៃទៀត។ ការប្រកួតនេះទៀតសោត គឺគ្រាន់តែធ្វើឡើងក្នុងន័យស្ទួយវិស័យកីឡាក្នុងប្រទេសកម្ពុជានិងការងារសង្គមប៉ុណ្ណោះ មិនមែនបង្កជាហេតុអ្វីអាក្រក់ឡើយ។
សកម្មភាពហ្វឹកហាត់របស់ក្រុម KMH All Stars
ងាកទៅខាងកីឡាកររបស់ក្រុម KMH All Stars វិញ គឺជ្រើសរើសចេញពីកីឡាករទាំង៣២ក្រុមដែលលេងនៅពានរង្វាន់ KMH Champions League ដោយមួយក្រុមយក៣នាក់ ហើយធ្វើការហ្វឹកហាត់តាំងពីថ្ងៃទី៥ខែមេសាមក ដើម្បីធ្វើការជម្រុះយកយកតែ៣២នាក់ ជាក្រុមតំណាងឱ្យ KMH All Stars ៕
អត្ថបទ៖ មុន្នី រម្យ
