- 2016-02-22 20:44:32
- បាល់ទាត់
Van Gaal និយាយមុនប្រកួត FA Cup យប់នេះថា ចង់ឲ្យគ្រប់ក្រុមខ្លាច Man Utd ជាថ្មី
- 2016-02-22 20:44:32
- ចំនួនមតិ 0 | ចំនួនចែករំលែក 0
Van Gaal និយាយមុនប្រកួត FA Cup យប់នេះថា ចង់ឲ្យគ្រប់ក្រុមខ្លាច Man Utd ជាថ្មី
ចន្លោះមិនឃើញ
Louis van Gaal បានលើកឡើងថា លោកចង់ឲ្យក្រុម Manchester United ខ្លាំងវិញ ដែលធ្វើឲ្យគ្រប់ក្រុមទាំងអស់ខ្លាចញញើត ខណៈដែលក្រុមបិសាចក្រហមរបស់លោក កំពុងត្រៀមខ្លួនធ្វើដំណើរទៅប៉ះ Shrewsbury ក្រុមនៅលីគលំដាប់ទី៣ (League One) ក្នុងការប្រកួត FA Cup វគ្គ១៦ក្រុម នាវេលាម៉ោង០២:៤៥នាទីយប់នេះ។
ក្រោយបរាជ័យ Sunderland នៅ Premier League និងចាញ់ FC Midtjylland នៅ UEFA Europa League កាលថ្ងៃព្រហស្បតិ៍ទៀតមានន័យថា អ្នកចាត់ការហូឡង់ Van Gaal ត្រូវតែនាំជ័យជម្នះឲ្យ Man Utd ឲ្យទាល់តែបាននៅ FA Cup យប់នេះ ដើម្បីលួងចិត្តអ្នកគាំទ្រវិញ ហើយក៏ដើម្បីរក្សាកៅអី សម្រាប់តំណែងរបស់លោកផងដែរ។
ពេលអ្នកសារព័ត៌មានសួរថា តើគ្រប់ក្រុមទាំងអស់ឈប់ខ្លាច Man Utd ទៀតហើយឬ? Van Gaal បានឆ្លើយតបថា៖ "ពេលអ្នកក្រឡេកមើល២ប្រកួតចុងក្រោយ វាប្រហែលជាដូច្នោះ ប៉ុន្តែយើងត្រូវតែធ្វើឲ្យពួកគេទាំងអស់ ខ្លាចយើងជាថ្មី”។
Man Utd ដែលនឹងអវត្តមានកីឡាករ១៤នាក់ ដោយសាររបួសយប់នេះ បើឈ្នះនឹងត្រូវឡើងប៉ះ West Ham នៅវគ្គ៨ក្រុម។ បន្ទាប់ពីប្រកួតនេះបិសាចក្រហម នឹងត្រូវប៉ះ Midtjylland នៅ Europa League ជើងទី២ នៅ Old Trafford នាថ្ងៃព្រហស្បតិ៍ និងត្រូវប្រកួតធំប៉ះ Arsenal នៅ Premier League នៅ៣ថ្ងៃបន្ទាប់ទៀត៕
-ចុចអាន៖ Fans Man Utd អង្វរក្លឹបឲ្យតែងតាំង Mourinho ក្រោយចាញ់យប់មិញ
ប្រែសម្រួល៖ វិន ជីវ័ន្ត ប្រភព៖ Skysports
