- 2016-01-26 16:00:47
- បាល់ទាត់
Van Gaal អាចដើរចេញពី Man United ដោយខ្លួនឯង
- 2016-01-26 16:00:47
- ចំនួនមតិ 0 | ចំនួនចែករំលែក 0
Van Gaal អាចដើរចេញពី Man United ដោយខ្លួនឯង
ចន្លោះមិនឃើញ
លោក Louis van Gaal កំពុងពិចារណាដើរចេញពី Manchester United ដោយខ្លួនឯង បន្ទាប់ពីគិតថាខ្លួនកំពុងធ្វើឲ្យអ្នកគាំទ្រទាំងអស់បាក់មុខ។
អ្នកចាត់ការសញ្ជាតិហូឡង់ត្រូវអ្នកគាំទ្រជាច្រើននៅ Old Trafford ស្រែករិះគន់ក្រោយដឹកនាំក្រុមចាញ់ Southampton ក្នុងទឹកដីខ្លួនឯង១-០។ បរាជ័យនេះបានធ្វើឲ្យលោកបង្ហើបពីគម្រោងជួបពិភាក្សាពីអនាគត ជាមួយលោក Ed Woodward ដែលជានាយកប្រតិបត្តិរងរបស់ក្លឹប។
Van Gaal បាននិយាយថា៖ "ខ្ញុំពិតជាសោកស្ដាយដែលមិនអាចសម្រេចក្ដីបំណង ទៅតាមការរំពឹងទុករបស់អ្នកគាំទ្រទាំងអស់របស់យើង។ ពួកគេ (អ្នកគាំទ្រ) មានក្ដីសង្ឃឹមខ្ពស់មកលើខ្ញុំ តែចុងក្រោយបែរជាត្រូវខកបំណងទៅវិញ"។
ការនិយាយបែបនេះរបស់អតីតគ្រូបង្វឹក Bayern Munich ធ្វើឲ្យគេមើលឃើញថារូបលោកហាក់ត្រៀមខ្លួនដើម្បីដើរចេញដោយខ្លួនឯង ជាជាងការត្រូវក្លឹបបណ្ដេញចេញពីតំណែង។ បុរសវ័យ៦៤ឆ្នាំបានចំណាយលុយជាង ២៥០លានផោន (ជាង៣៥០លានដុល្លារ) ត្រឹមរយៈពេល១៨ខែប៉ុណ្ណោះពេលមកដឹកនាំនៅ Old Trafford។
រាប់ទាំងការបរាជ័យកាលពីចុងសប្ដាហ៍កន្លងទៅ ក្រុមជើងឯកក្របខ័ណ្ឌកំពូលអង់គ្លេស២០សម័យ មានគំលាត៥ពិន្ទុក្រោម ក្រុមលេខ៤ និង១០ពិន្ទុក្រោមក្រុមកំពូលតារាង Leicester៕
ប្រែសម្រួល៖ រុន វីរ៉ុត ប្រភព៖ TheSun