ឡៃ សុធា ចេញពីក្លឹបវេស្ទើនទៅធ្វើការនៅភ្នំពេញក្រោន

2016-01-20 23:37:15
បាល់ទាត់

2016-01-20 23:37:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ឡៃ សុធា កាលពីពេលថ្មីៗនេះបានចាកចេញពីក្លឹបវេស្ទើនក្នុងនាមជាអ្នកចាត់ការទូទៅ ហើយបានទៅកាន់តួនាទីមួយនៅផ្នែកទីផ្សារឲ្យក្លឹបបាល់ទាត់កំពូលកម្ពុជាភ្នំពេញក្រោន។

អតីតអ្នកចាត់ការក្លឹបវេស្ទើនភ្នំពេញក្រោន ឡៃ សុធា បានឲ្យដឹងថា លោកពិតជាបានទៅធ្វើនៅផ្នែកទីផ្សាររបស់ក្លឹបបាល់ទាត់ភ្នំពេញក្រោនពិតប្រាកដមែន ប៉ុន្តែមិនទាន់ច្បាស់តួនាទីអ្វីនៅឡើយទេ។ លោកបានលាឈប់ពីតួនាទីជាអ្នកចាត់ការក្លឹបវេស្ទើនភ្នំពេញ មុនពេលក្លឹបសាកលវិទ្យាល័យមួយនេះបានផ្តាច់កិច្ចសហការគ្នាជាមួយក្លឹប Cambodian Tiger។

ចំណែកលោក លី ហៀង អគ្គលេខាធិការក្លឹបភ្នំពេញក្រោនបានឲ្យដឹងថា លោក ឡៃ សុធា ពិតជាបានចូលធ្វើការនៅភ្នំពេញក្រោនមែន ប៉ុន្តែមិនទាន់ត្រូវបានតែងតាំងតួនាទីណាមួយឲ្យច្បាស់ឡើយ ខណៈលោកកំពុងជួួយផ្នែកកិច្ចការទីផ្សារដល់លោកប្រធានក្លឹប។

លោក ឡៃ សុធា ក្នុងនាមជាអ្នកចាត់ការទូទៅនៅក្លឹបវេស្ទើនភ្នំពេញរយៈពេលប៉ុន្មានឆ្នាំចុងក្រោយនេះបានជួយឲ្យក្លឹបលេងនៅក្របខណ្ឌបាល់ទាត់កំពូលកម្ពុជា និងបានជួយរៀបចំកសាងកីឡដ្ឋានផ្ទាល់ខ្លួនរហូតអាចក្លាយជាទីលានសម្រាប់ការប្រកួតក្នុងដី និងក្រៅដី ព្រមទាំងជួយស្វែងរកម្ចាស់ឧបត្ថម្ភមួយចំនួនដល់ក្លឹបនេះថែមទៀតផង៕