- 2016-01-05 23:04:13
- បាល់ទាត់
ស៊ីម៉ាក់សង្ឃឹមខ្ពស់ក្លឹបវិលមករកភាពល្អប្រសើរឡើងវិញ
- 2016-01-05 23:04:13
- ចំនួនមតិ 0 | ចំនួនចែករំលែក 0
ស៊ីម៉ាក់សង្ឃឹមខ្ពស់ក្លឹបវិលមករកភាពល្អប្រសើរឡើងវិញ
ចន្លោះមិនឃើញ
ក្លឹបបាល់ទាត់មជ្ឈមណ្ឌលកម្ចាត់មីនកម្ពុជា (ស៊ីម៉ាក់)កំពុងដោះស្រាយបញ្ហាប្រាក់ខែដល់កីឡាករក្នុងក្រុមដោយសង្ឃឹមខ្ពស់ថា ពួកគេនឹងល្អប្រសើរឡើងវិញ បន្ទាប់ពីមានចម្រូងចម្រាស ពីការមិនបើកប្រាក់ខែឲ្យកីឡាករក្នុងអំឡុងពេលហ្វឹកហាត់ក្រោយចប់លីគកំពូលកម្ពុជាកាលពីឆ្នាំ២០១៥ កន្លងទៅ។
ប្រភពពីក្លឹបបាល់ទាត់ស៊ីម៉ាក់សុំមិនបញ្ចេញឈ្មោះបានឲ្យដឹងតាមទូរសព្ទមុននេះបន្តិចថា ក្លឹបបានដោះស្រាយបញ្ហាកើតមានកន្លងមកបណ្ដើរៗហើយ ពេលនេះមានសង្ឃឹមខ្ពស់ថា នឹងវិលមករកភាពល្អប្រសើរឡើងវិញ។ កីឡាករក្នុងក្រុមទាំងមូលហាក់មានជំនឿចិត្ត ក្រោយបានជួបពិភាក្សាជាមួយលោក មួន វាសនា អគ្គលេខាធិការរបស់ក្លឹបមុននេះបន្តិច។
ប្រភពបន្តថា កីឡាករនឹងចាប់ផ្ដើមហ្វឹកហាត់ឡើងវិញនៅសប្ដាហ៍ក្រោយ និងចូលរួមប្រកួត Hun Sen Cup 2016 ធម្មតា។ ទន្ទឹមនឹងនោះក្លឹបក៏កំពុងពង្រឹងក្រុម ដោយត្រៀមនាំចូលកីឡាករបរទេសមកពីប្រទេសហុល្លង់បន្ថែមទៀត។
ក្លិបបាល់ទាត់មជ្ឈមណ្ឌលកម្ចាត់មីនកម្ពុជាមានដី២កន្លែងដែលមានទំហំ ៤ទៅ៥ហិតានៅខេត្តត្បូងឃ្មុំ និងកំពង់ឆ្នាំង ដើម្បីត្រៀមសាងសង់កីឡដ្ឋានបាល់ទាត់ផ្ទាល់ខ្លួន ដែលពេលនេះកំពុងប្រឹងប្រែងស្វែងរកដៃគូសហការ៕
-ចុចអាន៖ ស្ងាត់ៗស៊ីម៉ាក់ផ្ទុះបញ្ហាជាមួយកីឡាកររឿងប្រាក់ខែ
អត្ថបទ៖ ស្រី សុវណ្ណដារ៉ា
