- 2015-12-24 16:01:28
- បាល់ទាត់
អាស៊ីអឺរ៉ុបធ្វើទីលានកីឡា៤ប្រភេទនៅអរិយក្សត្រឲ្យរួចរាល់ចុងឆ្នាំ២០១៦
- 2015-12-24 16:01:28
- ចំនួនមតិ 0 | ចំនួនចែករំលែក 0
អាស៊ីអឺរ៉ុបធ្វើទីលានកីឡា៤ប្រភេទនៅអរិយក្សត្រឲ្យរួចរាល់ចុងឆ្នាំ២០១៦
ចន្លោះមិនឃើញ
ទីលានបាល់ទាត់ តារាងបាល់ទះ ទីលានលេងប៉េតង់ និងកន្លែងរត់ប្រណាំង នឹងត្រូវរៀបចំធ្វើនៅលើទឹកដីអរិយក្សត្រឲ្យរួចរាល់នៅចុងឆ្នាំ២០១៦ ដែលបង្កើតឡើងដោយសាកលវិទ្យាល័យអាស៊ីអឺរ៉ុប។
លោក ឌួង លាង ប្រធានក្រុមប្រឹក្សាភិបាលនៃសាកលវិទ្យាល័យអាស៊ីអឺរ៉ុបបានឲ្យដឹងថា ទីតាំងដីនៅអរិយក្សត្រនោះមានទទឹង១៦០ម៉ែត្រ និងបណ្ដោយជិត ៣០០ម៉ែត្រ ដែលមានអំណោយផលសម្រាប់ធ្វើទីតាំងលេងកីឡាបានច្រើន។ តាមគម្រោងលើផ្ទៃដីនោះនឹងត្រូវធ្វើទីលានបាល់ទាត់ តារាងបាល់ទះ ទីលានលេងប៉េតង់ និងកន្លែងរត់ប្រណាំងដែលនឹងធ្វើឲ្យរួចរាល់នាចុងឆ្នាំ ២០១៦។
លោកប្រធានក្រុមប្រឹក្សាភិបាលរូបនេះបន្តថា សម្រាប់ទីលានបាល់ទាត់ នឹងធ្វើឲ្យរួចរាល់មុនគេ ដែលពេលនេះកំពុងចាប់ផ្ដើមចាក់ដីបំពេញឲ្យបានស្មើល្អ។ ទីលាននេះធ្វើដោយស្មៅធម្មជាតិ ចំពោះកន្លែងអង្គុយមិនទាន់ធ្វើឡើយ ប៉ុន្តែអាចប្រើបានសម្រាប់ប្រកួតលីកបាល់ទាត់កំពូលកម្ពុជា និងការហ្វឹកហាត់ដើម្បីពង្រឹងដល់ក្រុមបាល់ទាត់អាស៊ីអឺរ៉ុប៕
អត្ថបទ៖ ស្រី សុវណ្ណដារ៉ា រូបថត៖ ឌួង លាង
