- 2015-12-20 20:04:26
- បាល់ទាត់
ព្រឹកនេះ រស់ សំអឿន និងភរិយាឡើងយន្តហោះជួយបឹងកេតនៅថៃ ក្រោយការយប់មិញ
- 2015-12-20 20:04:26
- ចំនួនមតិ 0 | ចំនួនចែករំលែក 0
ព្រឹកនេះ រស់ សំអឿន និងភរិយាឡើងយន្តហោះជួយបឹងកេតនៅថៃ ក្រោយការយប់មិញ
ចន្លោះមិនឃើញ
ខ្សែការពារជម្រើសជាតិកម្ពុជា និងក្លិបបឹងកេតអង្គរ រស់ សំអឿន និងភរិយាត្រូវឡើងយន្តហោះព្រឹកថ្ងៃអាទិត្យទី២០ ខែធ្នូនេះទៅប្រទេសថៃដើម្បីជួយក្លិបរបស់ខ្លួនក្នុងការប្រកួតវគ្គផ្តាច់ព្រ័ត្រ Toyota Mekong Club Championship ទល់នឹងក្រុម Buriram United ពោលគឺប៉ុន្មានម៉ោងបន្ទាប់ពីពួកគេរៀបការកាលពីយប់មិញ។
រស់ សំអឿន បានប្រាប់ Sabay យប់មិញនៅក្នុងពិធីទទួលទានភោជនីយអាហារថា រូបគេ និងភរិយានឹងឡើងយន្តហោះវេលាម៉ោង៦:៤០នាទីព្រឹកថ្ងៃអាទិត្យ ទី២០ ខែធ្នូ ដើម្បីទៅជួយក្លិបបឹងកេតអង្គរក្នុងការប្រកួតវគ្គផ្តាច់ព្រ័ត្រពាន Toyota Mekong Club Championship នឹងម្ចាស់ផ្ទះ Buriram United ដែលជាក្រុមជើងឯកលីកកំពូលថៃវេលាម៉ោង៧យប់នេះ។
គូស្វាមីភរិយាថ្មោងថ្មីបានបន្ថែមថា ពួកគេនឹងស្នាក់នៅរហូតដល់ថ្ងៃទី២៥ ខែធ្នូទើបវិលត្រឡប់មកប្រទេសកម្ពុជាវិញ។ ការស្នាក់នៅនេះក្នុងរយៈពេលមួយខ្លីមួយ ប៉ុន្តែប្រៀបដូចជាពេលវេលានៃរាត្រីក្រេចចន្ទទឹកឃ្មុំដែរ។
រស់ សំអឿន និងភរិយា យូរ បូណ៌មី បានរៀបមង្គលការ និងពិធីទទួលទទួលទានភោជនីយអាហារកាលពីយប់មិញនៅភោជនីយដ្ឋានពិភពថ្មី។ វត្តមានភ្ញៀវកិត្តិយសចូលរួមពិធីកាលពីយប់មិញពុំមានកីឡាករ និងថ្នាក់ដឹកនាំមកពីក្លិបបឹងកេតអង្គរឡើយ ប៉ុន្តែភាគច្រើនកីឡាករមកពីក្លិបក្រសួងការពារជាតិ ស្វាយរៀង និងក្លិបផ្សេងៗទៀត។
មិនត្រឹមគ្មានវត្តមានកីឡាករ និងថ្នាក់ដឹកនាំមកពីក្លិបរបស់ខ្លួនប៉ុណ្ណោះទេ សូម្បីតែភរិយារបស់កីឡាករ និងថ្នាក់ដឹកនាំក៏មិនបានចូលរួមពិធីទទួលទានអាហារដោយសារពួកគាត់ត្រូវធ្វើដំណើរទៅប្រទេសថៃដើម្បីគាំទ្រ និងលើកទឹកចិត្តដល់ក្រុមបឹងកេតក្នុងការប្រកួតវគ្គផ្តាច់ព្រ័ត្រនៅយប់នេះ៕
អត្ថបទ៖ ជាន ចាន់រ៉ា
