ជើងឯកបាល់ទាត់នារីឆ្នាំ២០១៥ ពីរក្រុមឡើងវគ្គ ១/២ ខណៈបួនក្រុមប្រជែងគ្នាស្អែក

2015-12-18 20:26:06
បាល់ទាត់

2015-12-18 20:26:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតជម្រើសជើងឯកបាល់ទាត់នារីប្រចាំឆ្នាំ២០១៥ មន្ទីរ អ.យ.ក ខេត្តកំពង់ឆ្នាំង និងមន្ទីរ អ.យ.ក ខេត្តបាត់ដំបង ឡើងទៅវគ្គពាក់កណ្ដាលផ្ដាច់ព្រ័ត្រខណៈ៤ក្រុមផ្សេងទៀតប្រជែងគ្នាស្អែកយកពីរក្រុមទៅលេងវគ្គបន្តនៅមជ្ឈមណ្ឌលជាតិបាទីខេត្តតាកែវ។

ពូល Aក្រុមមន្ទីរ អ.យ.ក ខេត្តបាត់ដំបង កក់កៅអីវគ្គពាក់កណ្ដាលផ្ដាច់ព្រ័ត្រ ក្រោយក្រុមនេះអាចយកបាន ៦ពិន្ទុពេញក្នុងចំណោម ២ប្រកួត។ ពីរក្រុមផ្សេងទៀតក្នុងពូល A នេះគឺមន្ទីរ អ.យ.ក ខេត្តស្វាយរៀង និងកងរាជអាវុធហត្ថខេត្តកំពង់ធំ មាន ៣ពិន្ទុស្មើគ្នានឹងត្រូវប្រជែងដើម្បីបានឡើងទៅវគ្គ ១/២ក្រុមចុងក្រោយ។ សម្រាប់ក្រុមបាល់ទាត់ មន្ទីរ អ.យ.ក ខេត្តត្បូងឃ្មុំ មាន ០ពិន្ទុត្រូវធ្លាក់ចេញ។

ក្រុមកីឡាបាល់ទាត់ មន្ទីរ អ.យ.ក ខេត្តកំពង់ឆ្នាំងទទួលបាន ៦ពិន្ទុពេញក្រោយឈ្នះដៃគូពីរប្រកួតក្នុងវគ្គសន្សំពិន្ទុពូល B និងអាចកក់កៅអីវគ្គពាក់កណ្ដាលផ្ដាច់ព្រ័ត្រ។ ខណៈ ២ក្រុមផ្សេងទៀត ដែលមាន៣ ពិន្ទុស្មើគ្នាគឺ សមាគមកីឡាបាល់ទាត់សៀមរាបអង្គរ និងមន្ទីរ អ.យ.ក ខេត្តឧត្តរមានជ័យ។ ក្នុងពូល Bនេះដែរក្រុមសមាគមកីឡាបាល់ទាត់ខេត្តកណ្ដាលបានធ្លាក់ចេញពីកម្ម វិធីខាងលើហើយ ក្រោយចាញ់ពីរប្រកួតជាប់គ្នាមាន០ពិន្ទុ។

កម្មវិធីប្រកួតថ្ងៃទី ១៩
ពូល	ក្រុម	ប្រកួត	ក្រុម	ម៉ោង	ទីលាន
A	មន្ទីរ អ.យ.ក ខេត្តបាត់ដំបង	Vs	មន្ទីរ អ.យ.ក ខេត្តត្បូងឃ្មុំ	៨:៣០	បាទី១
A	កងរាជអាវុធហត្ថខេត្តកំពង់ធំ	Vs	មន្ទីរ អ.យ.ក ខេត្តស្វាយរៀង	៨:៣០	បាទី២
B	សមាគមកីឡាបាល់ទាត់ខេត្តកណ្តាល	Vs	សមាគមកីឡាបាល់ទាត់សៀមរាបអង្គរ	១៥:០០	បាទី១
B	មន្ទីរ អ.យ.ក ខេត្តឧត្តរមានជ័យ	Vs	មន្ទីរ អ.យ.ក ខេត្តកំពង់ឆ្នាំង	១៥:០០	បាទី២

ពូល A
ល.រ	ក្រុម	ចំនួនប្រកួត	គ្រាប់បាល់ចំណេញ	ពិន្ទុ
១	មន្ទីរ អ.យ.ក ខេត្តបាត់ដំបង	២	២២	៦
២	មន្ទីរ អ.យ.ក ខេត្តស្វាយរៀង	២	១០	៣
៣	កងរាជអាវុធហត្ថខេត្តកំពង់ធំ	២	-១៨	៣
៤	មន្ទីរ អ.យ.ក ខេត្តត្បូងឃ្មុំ	២	-១៤	០

ពូល B
ល.រ	ក្រុម	ចំនួនប្រកួត	គ្រាប់បាល់ចំណេញ	ពិន្ទុ
១	មន្ទីរ អ.យ.ក ខេត្តកំពង់ឆ្នាំង	២	១៩	៦
២	សមាគមកីឡាបាល់ទាត់សៀមរាបអង្គរ	២	២	៣
៣	មន្ទីរ អ.យ.ក ខេត្តឧត្តរមានជ័យ	២	-៣	៣
៤	សមាគមកីឡាបាល់ទាត់ខេត្តកណ្តាល	២	-១៨	០