- 2015-12-03 18:15:48
- បាល់ទាត់
ទីបំផុត ស្នេហាជាង១០ឆ្នាំ ឈិន ឈឿន ប្រកាសថ្ងៃមង្គលការហើយ
- 2015-12-03 18:15:48
- ចំនួនមតិ 0 | ចំនួនចែករំលែក 0
ទីបំផុត ស្នេហាជាង១០ឆ្នាំ ឈិន ឈឿន ប្រកាសថ្ងៃមង្គលការហើយ
ចន្លោះមិនឃើញ
ទីបំផុតស្នេហារបស់សមាជិកជម្រើសជាតិកម្ពុជា ឈិន ឈឿន និងកញ្ញា ចន្នី ប៉ូឡែន បានដល់ពេលប្រកាសថ្ងៃមង្គលការហើយ បន្ទាប់ពីបានទំនាក់ទំនងគ្នាអស់រយៈពេលជាង១០ឆ្នាំកន្លងមក។
កញ្ញា ប៉ូឡែន បានប្រាប់ថា កញ្ញា និង ឈិន ឈឿន ទើបតែរកវេលាបានសម្រាប់ថ្ងៃមង្គលការថ្មីៗនេះគឺថ្ងៃទី១៧ ខែមិថុនា ឆ្នាំ២០១៦ ខាងមុខនេះដែលទិវាជ័យមង្គលនៃសេចក្តីស្នេហារបស់ពួកគេ។ គូដណ្តឹងសមាជិកជម្រើសជាតិកម្ពុជារូបនេះបានឲ្យដឹងថា ពួកនាងគ្រោងរៀបការនៅឆ្នាំ២០១៧ ដែលអាចទុកពេលវេលាឲ្យបងៗរៀបការមុន ប៉ុន្តែបងនៅក្រៅប្រទេសមិនទាន់ត្រឡប់មកវិញ និងមិនទាន់រៀបការឆាប់ ដូច្នេះហើយទើបបងៗឲ្យកញ្ញាដែលជាកូនស្រីពៅរៀបការមុន។ ម្យ៉ាងទៀត កញ្ញា និងឈិន ឈឿនបានទំនាក់ទំនង និងស្គាល់ចិត្តថ្លើមគ្នាច្បាស់លាស់ហើយ។
កញ្ញាបន្ថែមថា លេខ១៧គឺជាលេខដែលកញ្ញាស្រលាញ់ពេញចិត្តបំផុត ពីព្រោះឈិន ឈឿនពាក់អាវលេខ១៧ ថ្ងៃកំណើតរបស់កញ្ញាក៏ថ្ងៃទី១៧ ហើយដេញថ្ងៃមង្គលការចំថ្ងៃទី១៧ថែមទៀត ហើយកញ្ចប់អាំងប៉ាវក្នុងថ្ងៃមង្គលការក៏ដាក់លេខ១៧ដែរ៕
មើលប្រវត្តិពិស្តាររបស់ ឈិន ឈឿន សូមចុច...ទីនេះ...
អត្ថបទ៖ ស្រី សុវណ្ណដារ៉ា
