ស៊ន ដាវីន អៀនខ្មាសប្រទេសកំណើតខ្លួនឯងក្រោយប្រកួតចាញ់នៅកូរ៉េម្សិលមិញ

2015-07-11 16:28:51
ព័ត៌មាន

2015-07-11 16:28:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីតេក្វាន់ដូជម្រើសជាតិកម្ពុជា ស៊ន ដាវីន បានបង្ហាញអារម្មណ៍ខ្មាសអៀនចំពោះប្រទេសកំណើតរបស់ខ្លួន បន្ទាប់ពីប្រកួតចាញ់កីឡាការិនីម្ចាស់ផ្ទះកាលពីម្សិលមិញក្នុងព្រឹត្តិការណ៍កីឡាសាកលវិទ្យាល័យពិភពលោកនៅប្រទេសកូរ៉េខាងត្បូង។

សម្រាប់ការប្រកួតពីម្សិលមិញ ភរិយារបស់កីឡាករប្រដាល់ វ៉ន វីវ៉ា បានប្រកួតចាញ់កីឡាការិនីម្ចាស់ដោយដោយលទ្ធផលពិន្ទុ១៥ទល់នឹង៩។ ក្រោយមកកីឡាការិនីរូបនេះបាននិយាយថា ៖«ខ្ញុំមានអារម្មណ៍ថា ខ្មាសប្រទេសកំណើតខ្លួនឯងណាស់ នេះមិនមែនជាការប្រកួតយកបទពិសោធន៍ទៀតទេ គឺការដណ្ដើមយកមេដាយ ប៉ុន្តែខ្ញុំធ្វើមិនបាន ខ្ញុំចាញ់ហើយបងប្អូន ខ្ញុំគ្មានសមត្ថភាពទេ (ជាមួយម្ចាស់ផ្ទះកូរ៉េពិន្ទុ15ទល់នឹង9) សុំទោសផង»។

ស៊ន ដាវីន បានឲ្យដឹងថា ក្នុងចំណោមកីឡាទាំង៤ប្រភេទដែលកម្ពុជាបញ្ជូនទៅចូលរួមប្រកួតគិតត្រឹមថ្ងៃម្សិលមិញគឺនៅសល់តែម្ចាស់មេដាយមាសកីឡាទ្វីបអាស៊ីកញ្ញា ស៊ន សៀវម៉ី តែម្នាក់គត់ដែលត្រូវប្រកួតថ្ងៃនេះ ខណៈអ្នកផ្សេងទៀតចាញ់អស់ហើយរាប់បញ្ចូលទាំងរូបនាង។

ប្រភេទកីឡាទាំង៤ដែលកម្ពុជាបានបញ្ជូនទៅចូលរួមប្រកួតក្នុងព្រឹត្តិការណ៍កីឡាសាកលវិទ្យាល័យពិភពលោកនៅប្រទេសកូរ៉េ មានកីឡាវាយកូនឃ្លីលើតុ អត្តពលកម្ម ហែលទឹក និង តេក្វាន់ដូ៕

អត្ថបទ៖ ជាន ចាន់រ៉ា