Man Utd ប្រកាសថាមិនទិញ Falcao ដាច់ទេ

2015-05-25 17:15:06
បាល់ទាត់

2015-05-25 17:15:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លិប Manchester Unted បានប្រកាសប្រាប់ដល់ ខ្សែប្រយុទ្ធ Radamel Falcao ថាក្លិបនឹងមិនទិញយកកីឡាករវ័យ២៩ឆ្នាំដាច់ឡើយ ពោលគឺមានន័យថា បិសាចក្រហមនឹងបញ្ចប់កុងត្រាខ្ចីជើងនេះតែម្ដង។

Falcao ដែលចំណាយពេល១រដូវកាលលេងឲ្យ Man Utd លក្ខណៈខ្ចីជើងពីក្លិប Monaco និងទទួលបានថ្លៃឈ្នួល ២៦៥០០០ផោន ក្នុងមួយសប្ដាហ៍ នឹងត្រូវត្រឡប់ទៅកាន់ក្លិបចាស់របស់ខ្លួន (Monaco) ឬ ស្វែងរកក្លិបថ្មីទៀត។

អ្នកចាត់ការក្រុមបិសាចក្រហម លោក Louis van Gaal បានប្រាប់ដល់វិបសាយរបស់ក្លិបថា៖ "Falcao គឺជាកីឡាករដ៏កំពូលម្នាក់ និងជាមនុស្សល្អ។ ក្នុងនាមខ្ញុំផ្ទាល់ ក៏ដូចជាតំណាងឲ្យអ្នកទាំងអស់គ្នា នៃក្លិបទាំងមូល ខ្ញុំសូមជូនពរឲ្យគាត់ សំណាងល្អ និងជោគជ័យនៅថ្ងៃអនាគត"។

ខ្សែប្រយុទ្ធកូឡុំប៊ី Falcao ដែលរកគ្រាប់ឲ្យ Man Utd បានតែ៤គ្រាប់ ក៏ប្រហែលជាដឹងខ្លួនដែរថា ខ្លួនប្រហែលជាអស់ឱកាសនៅកីឡដ្ឋាន Old Trafford ទៀតហើយ ហើយអតីតតារាឆ្នើមរបស់ក្រុម Atlético Madrid បានលើកដៃលាអ្នកគាំទ្រ ក្នុងទឹកដីខ្លួនឯងចុងក្រោយ ក្រោយការប្រកួតស្មើ ១-១ ទល់នឹង Arsenal សប្ដាហ៍មុនផងដែរ។ ប៉ុន្តែក្នុងការប្រកួតចុងក្រោយ ស្មើ ០-០ ទល់នឹង Hull City កាលពីយប់មិញ Falcao ពុំបានជាប់ក្នុងជម្រើស១៨នាក់របស់ក្រុមទេ៕

ចុះប្រិយមិត្តយល់ថា Man Utd ធ្វើដូចនេះ ត្រឹមត្រូវដែរទេ?

-ចុចអាន៖ Falcao៖ “ខ្ញុំត្រូវតែរកក្លិបណា ដែលខ្ញុំអាចលេងទៀងទាត់”

ប្រែសម្រួល៖ វិន ជីវ័ន្ត ប្រភព៖ mirror | 101greatgoals