សុទ្ធតែស្រីស្អាត ប្រុសស្អាត ទាញព្រ័ត្របំបែកកំណត់ត្រាជាតិនៅអង្គរ

2015-04-15 12:00:01
ព័ត៌មាន

2015-04-15 12:00:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកីឡាប្រពៃណីជាតិ គឺកីឡាទាញព្រ័ត្របានបំបែកឯតទគ្គកម្មជាតិនៅរសៀលថ្ងៃនេះ ក្នុងឱកាសបុណ្យចូលឆ្នាំថ្មីប្រពៃណីជាតិអង្គរសង្ក្រាន្តនៅប្រាសាទអង្គរវត្ត ខេត្តសៀមរាប។ កំណត់ត្រាជាតិថ្មីនៃការប្រកួតទាញព្រ័ត្រឆ្នាំនេះមានខ្សែព្រ័ត្រប្រវែង ២៥០០ ម៉ែត្រ និង មនុស្សចូលទាញជិត ២០០០ នាក់ ដែលបានបំបែកកំណត់ត្រាឆ្នាំ ២០១៤ ដែលមានខ្សែព្រ័ត្រត្រឹមតែ ១០០ម៉ែត្រ និង ចូលរួមតែ ១០០០ នាក់។

ពិធីទាញព្រ័ត្របំបែកកំណត់ត្រាជាតិនេះ បានធ្វើឡើងកាលពីវេលាម៉ោង ៣ រសៀល នៃពិធីបុណ្យចូលឆ្នំាថ្មី ឆ្នាំមមែ សប្ដស័ក ពុទ្ធសករាជ ២៥៥៩ ត្រូវនឹងថ្ងៃទី ១៤ ខែមេសា ឆ្នាំ២០១៥ ដែលជាថ្ងៃទទួលទេវតាឆ្នាំថ្មីនៅខាងមុខប្រាសាទអង្គរវត្ត។ ល្បែងទាញព្រ័ត្រ ជាប្រភេទកីឡាសម្រាប់លេងដើម្បីកម្សាន្តរីករាយរបស់ពលរដ្ឋខ្មែរទាំងបុរសទាំងស្ត្រីដែលនិយមលេងក្នុងឱកាសបុណ្យចូលឆ្នាំថ្មី៕

សូមចុចអាន៖ បុរសបារាំង និង នារីខ្មែរតាំងចិត្តសម្ដែងល្បុក្កតោនៅអង្គរសង្ក្រាន្តនេះ

សូមចុចអាន៖ អាជ្ញាធរខេត្តសៀមរាបដាស់តឿនរឿងទុកដាក់សំរាមឱ្យបានត្រឹមត្រូវ

សូមចុចអាន៖ គ្រូតាក្រមាមាស សាន គឹមស៊ាន ហ៊ានលះបង់ទាំងជីវិតដើម្បីល្បុក្កតោខ្មែរ