- 2015-04-03 15:49:00
- បាល់ទាត់
Mata អរគុណអ្នកគាំទ្រ Man Utd ក្រោយឈ្នះកីឡាករល្អខែមិនា
- 2015-04-03 15:49:00
- ចំនួនមតិ 0 | ចំនួនចែករំលែក 0
Mata អរគុណអ្នកគាំទ្រ Man Utd ក្រោយឈ្នះកីឡាករល្អខែមិនា
ចន្លោះមិនឃើញ
Juan Mata បានឈ្នះពានកីឡាករល្អបំផុតប្រចាំខែមិនា របស់ក្លិប Manchester United ហើយបន្ទាប់ពីទទួលបានពានរង្វាន់ភ្លាម ខ្សែបម្រើឆ្នើមរូបនេះ បានថ្លែងអំណរគុណដល់អ្នកគាំទ្ររបស់ខ្លួនភ្លាមៗផងដែរ។
Mata បានស៊ុតបញ្ចូលទីទាំង២គ្រាប់ ជួយឲ្យបិសាចក្រហម យកឈ្នះ Liverpool ២-១ នៅ Anfield ខណៈដែលកីឡាករវ័យ២៦ឆ្នាំរូបនេះ ក៏រួមចំណែកយ៉ាងធំធេង ជួយឲ្យ Man Utd បំបាក់ Spurs ៣-០ កាលពីថ្ងៃទី១៥ ខែមិនា។
ការត្រឡប់ចូលទីលានប្រកួតឲ្យក្រុម Man Utd បាន២ប្រកួត របស់កីឡាករជម្រើសជាតិអេស្ប៉ាញរូបនេះ បានធ្វើឲ្យក្រុមរបស់លោក Louis van Gaal លេងបានយ៉ាងល្អឥតខ្ចោះតែម្ដង ក្នុងការប្រកួតទល់នឹង Spurs និង Liverpool ហើយអ្នកគាំទ្រក៏យល់ស្របដែរថា Mata ពិតជាមានឥទ្ធិពលមែន។
អតីតកីឡាករ Chelsea រូបនេះ បាននិយាយនៅក្នុងវីដេអូលើ Instagram ជាមួយនឹងដៃកាន់ពានរង្វាន់ថា៖ "អរគុណអ្នកទាំងអស់គ្នាខ្លាំងណាស់ សម្រាប់ពានរង្វាន់មួយនេះ និងសូមអរគុណដល់អ្នកទាំងអស់គ្នា ដែលតែងតែគាំទ្ររូបខ្ញុំ"។
បិសាចក្រហម Man Utd នឹងត្រូវប៉ះ Aston Villa ក្នុងការប្រកួត Premier League នៅយប់ថ្ងៃសៅរ៍ស្អែកនេះ មុននឹងស្វាគមន៍ក្រុមជើងឯកចាស់ Manchester City នៅ Old Trafford និងធ្វើដំណើរទៅកាន់ Stamford Bridge ប៉ះក្រុមកំពូលតារាង Chelsea ជាបន្ត៕
ចុចអាន៖ Mata ឈ្នះរង្វាន់កីឡាករល្អបំផុតខែមិនា របស់ក្លិប Man Utd
ប្រែសម្រួល៖ វិន ជីវ័ន្ត ប្រភព៖ Daily Mail
