- 2015-02-15 18:10:04
- ព័ត៌មាន
Bolt ថាគ្មានថ្ងៃពាក់អាវ Arsenal នោះទេ ទោះ Puma ឧបត្ថម្ភ
- 2015-02-15 18:10:04
- ចំនួនមតិ 0 | ចំនួនចែករំលែក 0
Bolt ថាគ្មានថ្ងៃពាក់អាវ Arsenal នោះទេ ទោះ Puma ឧបត្ថម្ភ
ចន្លោះមិនឃើញ
កំពូលអ្នករត់ល្បឿនលឿនបំផុតក្នុងលោក Usain Bolt បានទទួលការឧបត្ថម្ភពីក្រុមហ៊ុនផលិតសម្ភារៈកីឡា Puma ដែលជាក្រុមហ៊ុនដែលផ្គត់ផ្គង់សម្លៀបបំពាក់ដល់ក្រុម Arsenal ប៉ុន្តែកីឡាករសញ្ជាតិចាម៉ៃការូបនេះ បាននិយាយថាគ្មានថ្ងៃណាខ្លួនពាក់អាវក្រុមកាំភ្លើងធំនោះឡើយ។
ការចេញមកបញ្ជាក់ពីគោលជំហរដាច់ខាតបែបនេះ គឺដោយសារតែ Bolt គឺជាអ្នកគាំទ្រដ៏ស្មោះស្ម័គ្រម្នាក់នៃក្រុមបិសាចក្រហម Manchester United ជាគូប្រកួតរបស់ Arsenal ក្នុង English Premier League។
វីរបុរសរត់ល្បឿនរូបនេះ បាននិយាយប្រាប់ Daily Mail ថា៖ "អ្នកណាថាខ្ញុំចេញចរិតក្អេងក្អាងក៏ថាទៅ។ ខ្ញុំបានប្រាប់ពួកគេ (Puma) រួចហើយថាខ្ញុំនឹងមិនពាក់អាវ Arsenal ថតផ្សាយពាណិជ្ជកម្មនោះឡើយ"។
Bolt គឺជាម្ចាស់មេដាយមាសអូឡាំពិកដល់ទៅ៦ ជាម្ចាស់ជើងឯកពិភពលោក៨ដង និងជាម្ចាស់កំណត់ត្រាពិភពលោកជាច្រើនខាងផ្នែករត់ល្បឿន ចម្ងាយ១០០ម៉ែត្រ ២០០ម៉ែត្រ និង៤០០ម៉ែត្ររត់បណ្ដាក់៤នាក់៕
Bolt ក្នុងឈុតផ្សាយពាណិជ្ជកម្មមួយរបស់ Puma
ដោយ៖ សុខ សុវត្ថិ
