ហេតុផល៧យ៉ាង ដែល Odegaard ជ្រើសយក Real បដិសេធក្រុមផ្សេងជាច្រើន

2015-01-23 22:10:52
វិភាគ

2015-01-23 22:10:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតកីឡាករចំណូលថ្មីរបស់ក្លិប Real Madrid វ័យ១៦ឆ្នាំ Martin Odegaard បានបង្ហាញប្រាប់ពីមូលហេតុដែលរូបគេមិនជ្រើសរើសក្រុមអឺរ៉ុបធំៗជាច្រើន ប៉ុន្តែបែរជាសម្រេចចិត្តចូលរួមជាមួយនឹងក្រុមអធិរាជសហើយ។

ស្ថិតក្នុងសន្និសីទកាសែតលើកដំបូងរបស់គេ ក្នុងទីក្រុង Madrid កីឡាករជម្រើសជាតិន័រវែសបានប្រាប់ពីហេតុផល៧យ៉ាង ដែលរូបគេសម្រេចចិត្តទៅកាន់ក្លិប Real Madrid ដូចខាងក្រោម៖

១. ពួកគេផ្ដល់លុយដល់ខ្ញុំជាច្រើន។ ២. ពួកគេផ្ដល់ការងារដល់ឪពុករបស់ខ្ញុំ។ ៣. ខ្ញុំចង់ថតរូបខ្លួនឯង (selfies) ជាមួយខ្សែប្រយុទ្ធ Karim Benzema ។ ៤. ខ្ញុំចង់ឃើញពីរបៀបដែលកីឡាករ Cristiano Ronaldo ប្រើប្រាស់ជេលលាបសក់ (hair-gel)។ ៥. ខ្ញុំចង់រៀនពីរបៀបរត់លឿន ដូចកីឡាករ Gareth Bale ។ ៦. ខ្ញុំចូលចិត្តអាហារអេស្ប៉ាញ។ ៧. ពួកគេផ្ដល់លុយដល់ខ្ញុំច្រើនជាងក្លិបដទៃទៀត ដូចខ្ញុំនិយាយខាងលើ។

Odegaard បានបន្តទៀតថា៖ «អូ! ខ្ញុំភ្លេចឲ្យឈឹង! ខ្ញុំចូលរួមជាមួយពួកគេ ព្រោះពួកគេជាក្លិបកំពូលដាច់គេនៅលើពិភពលោក ហើយខ្ញុំមានក្ដីស្រមៃលេងឲ្យពួកគេ តាំងពីខ្ញុំនៅក្មេងវ័យម្ល៉េះ»៕

ប្រិយមិត្តយល់យ៉ាងណាដែរចំពោះហេតុផល៧យ៉ាងខាងលើនេះ?

ចុចអាន៖ យុវជនល្បី Odegaard បង្ហាញខ្លួនផ្លូវការនៅ Real Madrid

ប្រែសម្រួល៖ វិន ជីវ័ន្ត

ប្រភព៖ SportsKeeda